Wednesday, April 1st, 2020
Raadi oo Ku qor Halkan wararkii hore

Somaliland Democracy Watch Organisation - SDWO.COM 

To Promote Democracy In Somaliland                 SomalilandNews.net

​ ​

YOUR ARTICLES

Welcome To SomalilandNews.net ------- SomalilandNews.net ------- SomalilandNews.net ----- SomalilandNews.net

Dawladda Hoose Ee Hargaysa Oo Go’aamo Ka Soo Saartay Bixinta Dhulka

Published on November 26, 2017 by   ·   No Comments

Hargaysa (SDWO): Dawladda hoose ee caasimadda Hargaysa ayaa shaacisay in ay gebi ahaanba joojisay  bixinta dhulka muddo lix bilood ah, taasoo   ka bilaabmaysa bisha December ee  soo socota.

maayarka-Hargeysa

Waxaanu maayarku digniin adag u diray  dadka  cashuuruhu ku baaqdeen iyo  dadkii hore loo siiyay dhulka danta guud  oo uu sheegay in  haddii aanay ka manaafacaadsan lagala noqon doono.

Maayarka caasimadda Hargaysa C/raxmaan Maxamuud Caydiid (Soltelco), oo maanta shir jaraa’id ku qabtay xafiiskiisa ayaa  ku  tilmaamay sababta ay u joojiyeen bixinta dhulka iyadoo ay doonayaan in ay bilaabaan hawlo culus.

kuwaasoo  la xidhiidha dhinaca waddo banaynta iyo  olole balaadhan oo ay ku doonayaan in ay ku soo ururiyaan cashuuraha gaar ahaana ganacsatadda ay cashuuruhu ku baaqdeen, isla markaana tallaabo sharciya laga qaadi doono cidii aan si dhakhso ah u bixin wayda.

C/raxmaan Soltelco, oo ka hadlayay u jeedadda uu shirka jaraa’id u qabtay iyo qodobadda ay soo saareen, waxa uu yidhi “Shirkayagan jaraa’id ee maanta waxa uu daaran yahay laba qodob. Midka hore wuxuu yahay shacbiga in aanu ogaysiino gebi ahaanba in aanu joojinay bixintii dhulka.

Waxaan u sheegayaa dad badan oo xafiisyadda nagu dhibi jiray wax dhul ah oo la bixin doonaa ma jirto lixda bilood ee soo socota.  Shacbiga waxaan u sheegayaa, qofoow-na ha ku soo lug gu’in  xafiiska dawladda hoose wakhtigii aanu shaqo badan qaban lahay-na hanaga luminin-na”.

“Qodobka labaad wuxuu yahay, maadaama oo uu sanadku dhamaanayo waxaanu geli doonaa hawlo waddooyin banyan  iyo cashuur ururin ah.  waddo  banayntaasi oo ah in dhamaanba waddooyinka caasimadda ee  geedka loo yaqaano Garan-waagu ka baxay ee uu xidhay,   in aanu ka shaqayno.

Ta labaad oo ah in aanu cashuurtii ururinno oo olole aanu u geli doonno.  Shacbiga-na waxaan u sheegayaa qofkii  ay cashuurtu ku dhaaftay laba sanadood, sida sharcigu dhigayo haddii ay  bisha January ku gaadho 15% ayaa dheeraad ah ayaa fuuli doonna sida sharcigu dhigayo” ayuu yidhi maayarka caasimadda Hargaysa.

Sidoo kale  maayar  Soltelco, waxa uu  digniin u diray  dadweynaha   ay ku baaqdeen cashuuruhu iyo tallaabooyinka laga qaadi doono. Waxaanu yidhi “Haddii ay sanad ku dhaaftay-na waxaa fuuli  doonta 25%, sida xeerka ururinta cashuuraha ee dawladda hoose uu dhigayo.

Waxaan leeyahay shacbiga caasimadda Hargaysa ku dhaqan mudadda bisha iyo 3 habeen ah ee sanadkan ka hadhay waa in aad isaga bixisaan cashuuraha la idinku leeyahay”.

Geesta  kale  maayarka Hargaysa waxa uu fariin u diray dadkii ay dawladda hoose hore u siisay dhulka danta guud ee aan ka manaafacadsan, waxaanu sheegay in ay dadkaasi dhulka kala noqon doonto dawladda hoose.

Isagoo arrimahaasi ka hadlayayna waxa uu yidhi “Waxaan ku wargelinayaa dadka hore loo siiyay dhulka danta guud ah, ee aan cashuuran wax hawl ah-na ka qaban.marka  koowaad waa  in ay cashuurtii bixiyaan.  Marka  labaad-na haddii mudadii loo  qabtay ay waxba kaga qabsan wayaan, dawladda hoose ee Hargaysa iyadoo sharciga adeegsanaysa iyo maxkamadaha,  waxay la soo noqon doontaa  dhulkii hore loo siiyay”.

Dawlada-Hoose-Hargeysa

 

SDWO/Hargeisa Office

 
,, ,,,.