Wednesday, April 1st, 2020
Raadi oo Ku qor Halkan wararkii hore

Somaliland Democracy Watch Organisation - SDWO.COM 

To Promote Democracy In Somaliland                 SomalilandNews.net

​ ​

YOUR ARTICLES

Welcome To SomalilandNews.net ------- SomalilandNews.net ------- SomalilandNews.net ----- SomalilandNews.net

Ergadii Guurtidda Ee Xalinta Shaqaaqadii Ceel Af-weyn Oo Sheegay In Ay Guul Ka Gaadheen

Published on November 26, 2017 by   ·   No Comments

Hargaysa (SDWO): Ergadii golaha Guurtidda Somaliland ee loo xil saaray   xalinta shaqaaqadii  beelaha ku dhexmartay degaanka Ceel-af-weyn ee gobolka Sanaag ayaa sheegay in ay guul ka gaadheen hawshaasi.

golaha-guurtida-khilaafka-kulmiye

Waxaanay guddiddaasi  fadhigii maanta  ee golaha Guurtidda   mudaneyaasha   warbixin ka siiyeen sida ay dhex-dhexaadinta arrinkaasi ugu guulaysteen bilaw ilaa dhamaad  iyo dariiqa ay u mareen.

Fadhiga golaha oo uu shir-gudoominayay guddoomiyaha golahaasi Saleebaan Maxamuud Aadan, ayaa xubnaha guddida ahaa waxay  sheegeen in ay ku soo guulaysteen hawshii loo diray, isla markaana ay  nabad ka dhex dhaliyeen labadda dhinac.

Guddoomiyihii gudidaasi xildhibaan Axmed Daahir Maxamuud (jirde),  ayaa mudaneyaasha  faahfaahin ka   siiyay  sidii ay u guddo galeen soo   af-jarida colaadii labadda beelood iyo waxyaabaha ay ku guulaysteen.

Waxaanu sheegay in markii ay gaadheen degaankii dirirtu ka dhacday in ay kulamo xog waraysi iyo xog ogaal u noqosho ah  la qaateen maamulka gobolka Sanaag, taliyeyaasha amaanka iyo ergooyinkii halkaa hore u joogay.

Xildhibaan Axmed Daahir Jirde, oo ka warbixinayay khasaarihii  ka dhashay dagaalka labada beelood iyo sidii ay xalinta arrintaasi u guddo galeen, waxa uu yidhi “Dhimashadii shaqaaqadaasi ka dhacday waxay ahayd, marka la isku darro labadda dhinac 22 ruux.  Kadib waraysiyo, waxaanu la kulanay gudiyo xidheyaal u ah labadda dhinac, oo degaankaasi ku sugnaa.

Markii aanu arrintii guddo galnay, waxaa la isla qaatay in Magg la kala qaato. Maggtii la kala qaadanayay-na waxaa lagu qorsheeyay in qofkii dhintayba laga bixiyo 130 Halaad oo dhogor ah. Waxaananu u kala qaadnay, duugtii ama aaskii  oo qofkii-ba laga bixiyay lacag dhan $1000 dollar, iyad-na waanu u kala qaadnay”.

Geesta kale xildhibaan C/raxmaan Cismaan Maxamuud (Qadhan), oo isna gudidaasi ka mid ahaa ayaa  ka waramay qodobadda ay ku soo gunaanadeen xalinta hawshaasi u dhaxaysay labadda beelood. “Hawshaasi waanu soo dhamaynay, go’aankayaga ayay ku qornayd in maamulka gobolku uu fuliyo hawshaasi, wixii mar danbe ka yimaadda iyo dhacdo yar oo ka danbaysay, oo ganaax u baahnayd.

Sidii ku qornayd heshiiskii aanu ku xalinaynay, oo cidii shaqsi ah ee dib ugu noqota fal kale in laga qaado $20,000   oo ganaax ah. ganaaxaasina wuu fulay, oo $20,000 kii kun ee u horeeyay waa laga qaaday, maamulka gobolka ayaana fuliyay”.

Dhinaca kale guddoomiyaha golaha Guurtidda ayaa xildhibaanadan guddida ah iyo ergooyinkii kaleba  uga mahad naqay sida fiican ee ay uga shaqeeyeen soo af-jaridda shaqaaqadan beelaha u dhaxaysa.

“Hawl fiican ayaa halkaa (Ceel af-weyn) ka qabsoontay. Haddii ay tahay beelaha, ciidamadda iyo ergooyinkii ay guddidan Guurtidu ka mid ahayd, cid waliba si fiican ayay hawsheedda u qabsatay” ayuu yidhi Saleebaan Maxamuud Aadan.

Ugu danbayn, guddoomiye Saleebaan ayaa sidoo kale ka  codsaday guddidii guurtidda ahayd ee ay hore ugu  direen   xalinta shaqaaqadii ka dhacday dhinaca degaanka galbeedka  gaar ahaana  Xariirad in iyag-na warbixintoodda ay golaha hor keenaan fadhiga  xiga.

 

 

SDWO/Hargeisa Office

 
,, ,,,.