Tuesday, January 23rd, 2018
Raadi oo Ku qor Halkan wararkii hore

Somaliland Democracy Watch Organisation - SDWO.COM 

To Promote Democracy In Somaliland                 SomalilandNews.net

YOUR ARTICLES

Welcome To SomalilandNews.net ------- SomalilandNews.net ------- SomalilandNews.net ----- SomalilandNews.net

Madaxweyneyaasha Somaliland iyo Jabuuti Oo Kulan Yeeshay iyo Qodobadii Ay Ka Wada Hadleen

Published on January 7, 2018 by   ·   No Comments

Jabuuti(SDWO): Madaxweynayaasha  Somaliland   Muuse Biixi Cabdi iyo Jabuuti Mudane Ismaaciil Cumar Geelle ayaa kulankoodii labaad maanta ku yeeshay qasriga Madaxtooyada Jabuuti, iyadoo halkaasi lagu qaabilay weftiga ka socda Somaliland.

26239175_1521978951249286_3787209608626206551_n 26730685_1521978801249301_2783313523931081654_n

Kulankan oo ahaa mid lagaga wada hadlay xoojinta iyo xidhiidhka soo jireenka ah ee u dhexeeya labada dal ayaa qaatay saacado, waxaana markii kulanku soo xidhmay saxaafadda la hadlay wasiirada Arrimaha dibeda Somaliland iyo Jabuuti oo si faah-faahsan uga warbixiyey ujeedada uu daaranaa kulankaasi.

26169340_1521979274582587_8274357933424007613_n

Ugu horayn Wasiirka Arrimaha Dibada Somaliland Dr. Sacad Cali Shire,  oo isagu ka warbixiyey kulanka labada madaxweyne  waxaanu yidhi  “Madaxweynaha Jamhuuriyadda Somaliland, Muuse Biixi Cabdi wuxuu halkan ku yimi, marti-qaad saaxiibtinimo oo ahayd mid soo jireenna, caadadu waxay ahayd in Madaxweynaha Somaliland inay noqoto waddanka ugu horeeya ee uu yimaado, isagoo ku yimi marti-qaad uu u fidiyey Madaxweynaha Jamhuuriyadda Jabuuti.

Si  wanaagsan ayaa nalloo soo dhaweeyey oo aad iyo aad u qiimo badan, aadna waan uga mahad celinaynaa Madaxweynaha iyo wasiiradiisa, iyo shicibkaba sidii milgaha lahayd ee naloo qaabilay, maanta halkan shir baanu isugu nimi labada madaxweyne ay ku kulmeen iyo wufuudii la socotay labaduba, waxyaabo fara-badan baa laga wada hadlay oo la xidhiidha danaha labada dal, sidii laysaga kaashan lahaa dhinac walba, dhinaca bulshada, dhinaca dhaqaalaha, xagga nabadgelyada laftigeeda”.

26169459_1521979684582546_3391064136456229189_n

“Waxa kaloo aanu ka wada hadalnay arrimo la xidhiidha guud ahaanba gobolka nabadiisa iyo midnimadiisa iyo soo dhaweyntiisa si wanaagsan buu shirkaasi noogu dhacay jawi wanaagsana wuu ku dhacay, insha allaah bi-idmillaahi kariim waxaan rajeynaynaa inuu noqdo bilow cilaaqaad kasii xoogsama ama kasii adkaada kii hore aynu lahayn insha allaah”ayuu yidhi Sacad Cali Shirre.

26229750_1521979124582602_4935991532516790762_n

Dhinaca kale Wasiirka Arrimaha Dibada ee Jabuuti, Maxamuud Cali Yuusuf,  oo isna faah-faahiyey arrimaha lagu soo qaaday shirkaasi ayaa yidhi “Madaxweynaha Somaliland booqashada uu ku yimi Jabuuti waxay tilmaan iyo tusaale u tahay horta qadarinta ay labada shacab isu qabaan iyo kolkii la doortay madaxweynaha Somaliland ka dib booqashada ugu horaysa ee uu dibada ugu baxay inuu ku yimi Jabuuti kuna soo booqday.

Taasi  waxay na tusaysaa inuu xidhiidhka labada dal yahay xidhiidh aad u fiican oo mustaqbalkiisuna fiican yahay, siduu walaalkay Sacad sheegayba labada dal waxay doonayaan iskaashi badan inay hirgeliyaan, iskaashigaasina ku adeeg bulsho maahee ku dhaqaale oo fiican ayaa maanta noo muuqda.

Markaa   waxyaalo badan baanu wadaagnaa, oo ay ka mid tahay badda, dhulka, iyo ganacsiga, waxa kale oo laga hadlay xuduudaha sidii si fiican laysugu furi ahaa iyo sidii labada dadweyne uga talaabi lahaayeen xuduudahaa waa laga wada xaajooday”.

26169116_1521978964582618_1436027970391847445_n

Waxaanu intaasi raaciyay “Sidaad ogtahay gobolkeena dhibaatooyin badan baa ka taagan iskaashiga nabada iyo nabadsugida labada dal waa iskaashi loo baahan yahay, la dagaalanka budhcad badeeda iyo argagaxisaduba, taasina horumarka labada dal ayey qirin-qiir geliyaan oo horumarkaas bay carqaladeeyaan, arrimo kale oo fara badan ayaa imika gudiyadii loo saarayaa oo ay wada fadhiisan doonan.

Gudiyadaas  qaar-ba hore u jiray kuwo cusubna waa la abuuray, gudiyadaasina imikay fadhiyadoodii qabsan doonaan, sidaan u arkayo mustaqbalka iyo xidhiidhka labada dal aad buu u fiican yahay mar labaad waxaanu leenahay hambalyo dadweynaha Somaliland oo doorashadan adag si qurux badan oo dimuqraadiyad leh uga soo baxay, hambalyo kalena waxaan u jeedinaynaa dadweynaha mar labaad siday nabada dalkaa u ilaashadaan, nabadaasina aad bay qaali u noqotay gobolkeenii sidaad ogtihiin”ayuu yidhi wasiirka arrimaha dibadda Jabuuti.

Isagoo hadalkiisa sii watayna waxa uu yidhi “Dalalka  deriska ah dalal badan bay nabadaasi ka maqan tahay, waxaan odhan lahaa Somaliland iyo Jabuuti waa laba dal oo deris ah laakiin hadana wada jir iyo walaaltinimo qaraabo waxyaalo badani u dhaxeeyaan taasina annaga hadii aanu xukuumada jabuuti nahay in aanu xoojino oo hore u marino ayaa noo taalla”.

Ugu danbayntiina madaxweynaha Somaliland, Mudane Muuse Biixi Cabdi iyo weftigiisa waxa hadhimo sharafeed ku maamuusay madaxweynaha Jabuuti, mudane Ismaaciil Cumar Geelle.

26168852_1521978617915986_7470625935460090435_n 26168976_1521978744582640_2584673113052354726_n 26169116_1521978964582618_1436027970391847445_n 26169273_1521978224582692_7776398529040053543_n 26169340_1521979274582587_8274357933424007613_n 26169459_1521979684582546_3391064136456229189_n 26196066_1521978227916025_6114266106948864793_n 26196091_1521978427916005_2194559260062041026_n 26196202_1521978857915962_6316923318452388167_n 26196369_1521979281249253_982015570614430266_n 26219274_1521978234582691_7133043863923027190_n 26219892_1521978444582670_3099223034054802759_n 26229750_1521979124582602_4935991532516790762_n 26239175_1521978951249286_3787209608626206551_n 26730685_1521978801249301_2783313523931081654_n 26730686_1521978417916006_5754675404600367073_n 26731061_1521980447915803_8193966666643308563_n

 

SDWO/Hargeisa Office

 
,, ,,,.