Monday, October 22nd, 2018
Raadi oo Ku qor Halkan wararkii hore

Somaliland Democracy Watch Organisation - SDWO.COM 

To Promote Democracy In Somaliland                 SomalilandNews.net

YOUR ARTICLES

Welcome To SomalilandNews.net ------- SomalilandNews.net ------- SomalilandNews.net ----- SomalilandNews.net

Wasaaradda Caafimaadka Somaliland Oo Shaacisay In Xanuunka Jadeecadu Dalka Ka Dilaacay

Published on February 7, 2018 by   ·   No Comments

Hargeysa (SDWO): Agaasimaha guud ee Wasaaradda Caafimaadka Dr Maxamed Cabdi Xargeeye Faarax, ayaa ka hadlay cudurka Jadeecada oo deegaano ka mid ah Somaliland ka dilaacay.

thumbs

Waxaanu  tilmamaay in Bulshada looga baahan yahay inay aad iyo aad uga feejinadaan cudurkan, isagoo xusay in aanu wali fidin, Wasaarad ahaana ay sida ugu dhakhsaha badan uga hortagayaan sidii ay u dabar jari lahaayeen.

Agaasimaha guud ee Wasaaradda Caafimaadka Dr Maxamed Cabdi Xargeeye Faarax, oo u waramay Wargeyska Geeska Afrika ayaa sidoo kale ka hadlay muhiimada uu Caafimaadku leeyahay waxaanu ugu horeyn yidhi isagoo ka hadlaya cudurka Jadeecada “Dilaac weyni ma jiro, laakiin waanu ka cabsoonaynaa in cudurka jadeecadu fido, Cudurkana waxa uu ka mid yahay Cudurada lagaga hortago talaalka, ee waxa haboon in talaalka la qaato, oo sidiisa loo qaato.

Bulshadana  waxaan guud ahaan ku boorinayaa inay aad iyo aad uga taxadiraan, kana feejignadaan Cudurka Jadeecadda, anaguna Xukuumad ahaan iyo Wasaarad ahaanba diyaar ayaanu u nahay in aanu ka hortagno xaalad kasta oo dhib iyo caafimaad daro ku keenaysa Bulshadayda, in Cudurkan Jadeecadu faafana waanu ka hortagaynaa insha allaahu”.

Sidoo kale agaasimaha Caafimaadku mar uu ka hadlaayey Shir uu ka qayb galay oo Kenya ka dhacay ayaa yidhi “Xanuunka iyo Caafimaadkaba labada ALLE ayey gacantiisa ku jiraan, oo ALLE waxaanu qadarin marnaba qofka kuma dhacaan, laakiin qof walba waxa looga baahan inay ku dadaalo ilaalinta caafimaadkiisa.

Ilaalinta  caafimaadka deegaankiisa, muhiimada kowaad ee lagaga hortagi karo cudur kasta oo faafana waa ilaalinta nadaafada, ee waa inay Bulshadu ku dadaasho ilaalinta nadaafadooda iyo nadaafadda deegaankooda”.

 

SDWO/Hargeisa Office

Xigasho: Geeska Afrika

 
,, ,,,.