Friday, May 29th, 2020
Raadi oo Ku qor Halkan wararkii hore

Somaliland Democracy Watch Organisation - SDWO.COM 

To Promote Democracy In Somaliland                 SomalilandNews.net

​ ​

YOUR ARTICLES

Welcome To SomalilandNews.net ------- SomalilandNews.net ------- SomalilandNews.net ----- SomalilandNews.net

Wasiirka Waxbarashadda Oo Fariimo U Kala Diray Ardayda Imtixaanka U Fadhiisanaysa iyo Hawl Wadeenadda

Published on June 29, 2018 by   ·   No Comments

Hargaysa (SDWO): Maalinta beriya 8 subaxnimo ayaa la filayaa in uu guud ahaanba dalka si rasmiya uga bilaabmi doono imtixaanka shahaadiga ah ee fasaladda 4aad sare iyo fasaladda 8aad ee dhexe.

Faraton

Sida uu shaaciyay wasiirka wasaaradda waxbarashadda Somaliland Prof. Yaasiin Xaaji Maxamuud Xiir (faratoon), oo galabta kormeer ku soo maray qaar ka mida dugsiyadda ku yaalla magaaladda Hargaysa ee imtixaanka lagu geli doono.

Waxaanu wasiirku sheegay in guud ahaanba goboladda iyo degmooyinka dalka ay   maanta si buuxda u wada gaadheen gawaadhida siday  imtixaanka iyo hawl wadeenadda ilaalinaya imtixaanka.

“Ilaa imika,  goobihii loo diray imtixaanka wararka aanu helayno  si nabad gelyo ah ayay ku gaadheen.  Berito saacadu markay tahay 8 subaxnimo ayay imtixaanadu bilaabmayaan”ayuu yidhi wasiir Faratoon.

Geesta kale wasiirka waxbarashadu waxa uu fariin u diray macalimiinta iyo shaqaalaha kale ee imtixaanka ilaalinayaa in ay xil iska saaraan hawshaasi, isla markaana si wanaagsan u gutaan.

Isagoo xusay in  mudadda 7-da maalmood ah ee uu imtixaanku socdo maalin in  maalin walba wixii khaladaad ah ee dhaca ay guddi arrintaasi loo xil saaray ka fadhiisan doonaa,  isla galabnimadaasina ay go’aan ka soo saari doonaan.

Waxaanu yidhi  “Waxaan doonayaa in masuuliyiinta imtixaanka ilaalinaya iyo hawl wadeenadda kale-ba in ay si wanaagsan u gutaan xilka saaran. Ardayduna waa in ay isku kalsoonaadaan, meeshii ay joogaanba, oo ay imtixaanka si wanaagsan u galaan.

Maalin walba waanu kormeeraynaa meelaha imtixaanku ka socdo, wixii khaladaad ah ee dhaca maalin kasta  isla galabnimadda ayay wasaaradu ka fadhiisanaysaa, wasaaraduna tallaabo ayay ka qaadaysaa”.

Ugu danbayn wasiir Faratoon ayaa  u rejeeyay ardayda imtixaanka u fadhiisanaysa in  ay imtixaanka guul ka gaadhi doonaan, halka uu masuuliyiinta ka hawl gelanayana ka codsaday in ay dul qaataan maalmaha uu imtixaanku socdo.

“ILLAAHAY (SWT) waxaan ka rejaynayaa in todobadda maalmood ee uu imtixaanku socdo  in la wada dul-qaato, oo imtixaanku siduu yahay loo gallo”ayuu yidhi wasiirka waxbarashadu.

Dhinaca kale imtixaankii sanadkii hore ee fasaladda 4aad ee sare iyo 8aad ee dhexe ee Somaliland ayaa ahaa sanadkii ay ardaydii ugu tiradda badnayd dhaceen, inkastoo ku dhawaad 800 tiro gaadhaysa loo ogolaaday in ay imtixaanka dib u galaan.

Hase yeeshee sanadkan ayaa la saadaalinayaa in tiradda ardayda dhacdaa ay intii sanadkii hore ka yarataao, maadaama sanadkii tegay ardaydii badnayd ee dhacday ay  wasaaradda waxbarashadda ka abuurtay buuq badan.

 

By: Khadar Cabdi Muuse

SDWO/Hargeisa Office

 
,, ,,,.