Sunday, September 23rd, 2018
Raadi oo Ku qor Halkan wararkii hore

Somaliland Democracy Watch Organisation - SDWO.COM 

To Promote Democracy In Somaliland                 SomalilandNews.net

YOUR ARTICLES

Welcome To SomalilandNews.net ------- SomalilandNews.net ------- SomalilandNews.net ----- SomalilandNews.net

Wasiirka Maaliyadda Oo Shaaciyay In Ay Xoojinayaan Ururinta Cashuuraha Beriga

Published on September 9, 2018 by   ·   No Comments

Berbera (SDWO): Wasiirka wasaaradda Maaliyadda jamhuuriyadda Somaliland Yuusuf Maxamed Cabdi, shaaca ka qaaday in ay qorshaynayaan sanadaha soo socda in dakhliga dalka inta ugu badan laga soo saarro cashuuraha beriga.

1

Waxaanu sheegay in si kor loogu qaado kobcinta cashuuraha beriga ay goboladda dalkoo dhan ka hirgelinayaan xafiisyadda wasaaradda maaliyadda gaar ahaana cashuuraha beriga, isla markaana ay u dirayaan shaqaale u tababaran hawshaasi.

Yuusuf Maxamed Cabdi, oo safar shaqo ku jooga magaaladda Berbera ayaa maanta waxa uu kormeer ku soo maray  xafiisyadda cashuuraha beriga ee Berbera. Isagoo xusay in Berbera uu uga sii gudbi doono degmadda Sheekh ee gobolka Saaxil.

Wasiirka oo ka hadlayay xoojinta cashuuraha beriga iyo siday doonayaan in kor loogu qaado waxa uu yidhi “Waxaynu doonaynaa dakhliga dawladda iyo qaranku inuu ku tiirsanaado cashuuraha bariga.  Waxaanu  rabnaa sanadaha soo socda in 70% (boqolkiiba todobaatan) cashuuraha bariga loo guuro.

Waad  og tihiin oo badeecadaha socdaa heshiisyo dublamaasiyadeed ayay ku xidhan yihiin,  laakiin dakhliga dal jira uu ka soo baxaa waa cashuuraha bariga. Cashuuraha  bariga ayaanu xoojinaynaa”.

Waxaanu intaas ku daray “Degmadda  Sheekh ayaanu tageynaa, meel kastoo aanu u aragno in dakhli ka soo baxayo xafiisyo waaweyn ayaanu ka furaynaa,  shaqaale aqoon iyo xirfad ba leh oo tababaran ayaanu geynaynaa.

Waxaanu  soo bandhigi doona dhawaan wixii dakhli ah ee naga baxay iyo halka uu ku baxay,  bulshadda ayaanu la wadaagaynaa”ayuu yidhi wasiirka maaliyadda Somaliland.

Geesta kale Yuusuf Maxamed Cabdi, waxa uu ka hadlay odoroska miisaaniyad sanadeedka 2018-ka iyo rejadda ay ka qabaan in sidii la rabay ay u soo baxdo.

Isagoona  ka codsaday  wasaaradaha dawladda ee wada shaqayntu ka dhaxayso in ay si hufan ugala qayb qaataan soo xeraynta dakhliga.

download

Waxaanu yidhi   “Odoroska miisaaniyadda ee sanadka 2018-ka si fiican ayaanu ugaadhaynaa kalsooni ayaanan ku qabaa,  haddii Illaahay SWT yidhaahdo.

Bah  wadaagta wasaaraddaha iyo goobaha kale ee dakhli  soo saarka in iyagu na si wanaagsan ay noola shaqeeyaan,  dhismayaasha wasaaraddu ku leedahay goboladda iyaga na dib u habayn iyo dayactir ayaanu ku samayn doonaa.

Shaqaale  dadka ka dhaadhicin kara cashuurta lagu leeyahay oo banaanyaala ayaa dalka wax u qaban kara”.

 

By: Khadar Cabdi Muuse

SDWO/Hargeisa Office

 
,, ,,,.