SM
SDWO

Somaliland Democracy Watch Organisation

To Promote Democracy In Somaliland


Contact us

Baaq In La Sii Daayo Cali Qoryooley

 
Ku Xakuumadda Somaaliland iyo haayadaha sharciga;
Aniga oo ku hadlaya magaca xubnaha, taageerayaasha iyo dhammaanba hawl wadeenada xisbiga ILEYSKA Somaliland, waxaan hay’adaha sharciga iyo xukuumadaba ugu baaqayaa in si deg deg ah loo sii daayo Mudane Cali Dool Axmed(Cali Qoryooley) oo ka tirsan xubnaha firfircoon ee Xisbiga ILEYSKA Somaliland.

Xisbiga ILEYSKA Somaliland oo ka mid ah todobada xisbi ee sharciga ah ee ka jira Somaliland sinaba uma aqbali karo in hawl wadenadiisa iyo dhammaan xubnihiisa laga qaado xoriyadooda dastuuriga ah si sharci darro ah, laysagana hayo sabab la’aan, laguna hayo caddaalad daro, taas oo si weyn u dhawici karta dimuqraadiyada, talo wadaagta iyo si siman ugu loolamidda hoggaaminta qaranka oo dhammaantood rukummo aas aasi ah u ah distoorka, sharciyadda iyo wada lahaanshaha Qaranka Somaliland. Sidoo kale Xisbiga ILEYSKA Somaliland wuxu aaminsan yahay in Cali Qoryooley haba yaraatey aanu danbiile ahayn, mana jirto sabab uu ugu sii nagaado xabsiga.  Waxa kale oo marag madoonto ah in lagu tuntay Distoorkii iyo sharuucdii dalka oo aan marnaba la horkeenin maxkamad sharci ah. 

Sidaa darted Xisbiga ILEYSKA Somaliland wuxu si weyn ugu baaqayaa in sida ugu dhakhsaha badan loogu soo celiyo xoriyaddiisii dastuuriga ahayd muwaadinkaas oo isla markaana ah xubin firfircoon oo ka tirsan Xisbiga ILEYSKA Somaliland.
Ugu dambayn dalabkan oo ah kii labaad ee Xisbigu soo gudbiyo muddo laba bilood gudaheed ah waxaanu rajaynaynaa in si weyn oo xil kasnimo ku dheehan tahay loo tixgelin doonno.

Ibraahim Ducaale Saleebaan(Tallaabo)  -  Guddoomiyaha Xisbiga ILEYSKA Somaliland

SOMALILAND DEMOCRACY WATCH ORGANISTION - NEWS PAGE