WARSAXAAFADEED KU
SAABSAN DOODII LA MAGACBAXDAY
CAAWA CAQLI KEEN
Nin xilqaaday eed
qaad
(Somaliland
Democracy Watch Organisation SDWO 06/07/04). Waxaad odhankartaa Somaliland
dimoqraadiyadeedii waxbaa u
kordhay mar hadii sedexdii xisbi intey meel soo wada fadhisteen ay si cad uga
wada doodeen danta guud ee dalka iyagoo meel iska dhigey isku muuqashadoodii
iyo hebel ku jiqsii.
Marka u horeysa waxa amaan balaadhan u soo
jeedinaynaa ururkii soo qabanqaabiyey kulankii Caawa Caqli Keen ee Xarunta Xal
Abuurida (Center for Creative Solutions) ee xilka weyn iska saaray inay
doodani qabsoonto oo isla markaasna meel ay iskugu keenan masuuliyiin ka kala
tirsan sedexda xisbi oo qarkood goolaaftan weyni ka dhexeeyay.
Arimaha halkaas lagaga doodayna waxa ay
bilow u yahiin hanaanka dimoqraadiyada ay Somaliland qaadatay taasi oo noqotay
meel kulmisay sedexda xisbi iyo shacabigoodii waxaanu rajaynaynaa in xaruntani
ay halkaas ka sii wadidoonto oo ay soo qabanqabindoonto kulmo kale oo noocan
oo kale ah, sida sedexda xisbi oo dood la iskugu keeno ku saabsan waxa ay
dalka iyo dadka u qabanayaan ee ay rabaan in lagu doorto sida, caafimaadka,
waxbarashada, biyaha, shaqo abuurid, nabadgelyada iyo arimaha dibada, si ay
iskaga dhaafaan shaqsi weerarka iyo hebal waxaas buu ahaan jiray.
Hadaba waxa mid aad looga fajaco oo lala
yaabo noqotay warsaxaafadeedka ka
soo baxay golaha wakiilada ee canbaareeyay kulankii quruxda badnaa ee Caawa
Caqli keen oo dad badani guda iyo dibadba ku diirsadeen taasi oo
warsaxaafadeedka lagu sheegay inay ahayd meel madaxda lagu aflagaadaynayey oo
la marin habaabiyay oo aan wax midho dhal ah yeelandoonin.
Takale ee la isweeydiiyay waxay tahay maxaa keenay in warsaxaafadeedkan
la qariyo afhayeenka baarlamanka ee uu magaciisu
ku saxeexnaa. Golaha baarlamanka marna lagama filayn arin noocan oo
kale ah iyo diidmo caadaan ah oo ay kaga hortagaan hanaanka dimoqraadiyada ay
Somaliland qaadatay, Nin
xilqaaday eed qaad bay somalilidu hore u tidhi, markaa ninka masuulka ahi waa
inanu ka boodin hadii waxqabadkiisa wax laga sheego oo aanu u turjuman in la
caayey, Madaxweynaha Maraykanka iyo Raysawasaaraha Ingriiskaba inta dadka la
soo horfadhiisiyo oo telefishanka aduunkoo dhana laga daawanayo ayaad arkaysaa
dadkoo intay mikirifoonka qaataan ku leh beenbaad sheegaysaa ama aad sheegtay
iyo daacad matahid, waa kee masuulkeena taas oo kale aqbalikaraa
dimoqradiyadana sheeganaya. Hadaba
laba aan isqaban aan kala reebno dimoqraadi baanu nahay iyo lama hadlikaro.
Xukuumadana waxa ku waajib ah inay kulmada
noocan oo kale ah ay dhiirigeliso oo ay ku taageerto Idaacada Radyow Hargeysa
oo ay u suurto geliso dadweynaha inay doodaas ay ka dhegaysankaraan Idaacadu
intii ay gaadhikarto, sababtoo ah idaacadu qayb weyn bay ka qaadataa
waciyigelinta dadweynaha, doodahana waxay ka mid yahiin kuwa ugu mihiinsan
wacyigelinta dadweeynaha.
Gebogebadii waxaanu ku soo gunaanadaynaa
Xaruntan dooda quruxda badnayd soo diyaarisay amaanbay ka mudnaayeen golaha
baarlamanka iyo xukuumada ee may ahayn in la canbaareeyo oo hawshii sida
tabaruca ah ay iskugu xilqaameen laga niyad jebiyo.
Se waxaan leenahay umadeenii baa ilaahay sidaas ka dhigaye ee ha ka
caajisina, hana ka niyadjabina ee joogteeya kulmada noocan oo kale ah
Long Live Somaliland
Guuleed Cabdisheekaash – Gudoomiyaha
Ururka SDWO
Axmed Maxamed Yusuf – Gudoomiye ku
xigeenka SDWO
M
