DAMEER RAACNAYAA BAQALKU DUULNAYAA DOORKAN WAA INAAN DAYAXA AADNAA

Fajeciso,yaab  iyo amakaag ayaa ku dhacey dadkii Markey akhristeen eeda ka soo yeedhey mujaahidka dhiiranaanta iyo af-adeyga kaalinta koowaad galey, xaalku wuxuu ka dhigan yahey sidii ninkii yidhi Dameer Raacayaa, Baqal ku duulayaa, Doorkan waa inaan Dayaxa aadaa. 

Ifafaalaha muuqdey maalmahan, kadib doorashooyinkii dawladaha hoose oo aad moodo in xisbiga KULMIYE  natiijadii uu filayey uga soo bixin dabadeedna shaki ka galey guusha doorashada madaxweynaha oo u ekeeyd in xisbigu isa siiyey saadaashoodii hore, mareyso ilaa aflagaado madaxweyne, Mujaahid buugu wuu yaaley guddo iyo dibedba  12 sanadood ee u danbeeyey, madaxweyne RIYAALENA hogaanka sare ee dalka ayuu ka mid ahaa 6 sanadood ee u danbeeyey wax waqtigan Awrta xidhiidhsan loola aadayo baasle waxbaa nooga iftiimey. 

Runtii eedu waa mid khalkhal iyo buuq lagu galinayo dalka iyo dadka markaan qiimeyo xilliga hadalku soo yeedhey, waxaanse ku faraxsanahey bulshada Somaliland oo ah dad ka korey aqoon fiicana u leh,xirfada ay adeegsadaan  siyaasiyiinta ku caanbaxey iney ku fushadaan dantooda dabadeedna ka dhaqaaqaan. Waa su’aale yaa dayacey kuwii soo dagaalamey, soo naafoobey, ku agoomoobey iyo danbiilayaashii dhibta geystey?. 

Mujaahidku door weyn buu ku lahaa hogaaminta SNMiyo Somaaliland-ba, sidoo kale saaxiibadiisa ku jira xisbiga KULMIYE ma manta ayey xusuusteen, oo ay weliba kula dul kufeen madaxweynuhii qaranka mise xaalku waa habar dhalli weydey allelo ku waalatey, la idiinkama fadhiyo inaad qalalaase ku abuurtaan marxaladan kala guurka ah oo aad la soo shir tagtaan eed iyo canbaareyn aan meelna heysan dadweynaha somalilandna idiinku dooran mayo sidaasi waxa la idinka dhowrayaa waa barnaamij hufan oo aad idinku ku qeexeysaan siyaasadiina. 

Madaxweyne Daahir Riyaale wuxuu sidaa sharftii Qaranka iyo umada Somaliland sifo sharci ahna wuu ku yimid hogaanka, mana gayaan in sidaa qaawan loo aflagaadeeyo Qaranka iyo umada somalilandba, xagxagashadan foosha xumina waxey sii siyaadineysaa taageeradii umadu u heysey Madaxweynaha iyo ku xigeenkiisaba. 

Xaqiiqo weeyi inuu hadalkaasi yahey mid ka dheer kana fog luqada siyaasiga isla mar ahaantaa ay waxyeelo weyn u geysaneyso xisbiga kulmiye ee uu mujaahidku ka tirsan yahey kaasoo uu hogaamiyo mudane siilaanyo oo loo aqoonsan yahey inuu yahey siyaasiga ugu hadal hufan una xirfad badan 3 musharax ee asxaabta siyaasiga ah. 

Gebogabadii Waxaan leeyhay dadku inuu samraan moodaye waa sidii welli, naftan ay saacado u hadheen loo saldhigiwaa, islamarkaa bulsha weynta Somaliland ay sare ugu dhawaaqayaan Wallee seefta boqonteyda goyn dib uma soofeysto. 

SOMALILAND DALKEYGA SOMALILAND DADKEYGA