Ninka duday distoorkiyo waxyiga diintii ka
caroowye dugsi ma leh qabyaaladi waxay dumiso mooyaane.. ereyadaasi waa
ereyo ka da wayn 30 sanno waxaa laabtiisa ka soo maalay alla ha u
naxariistee C/laahi Suldaan Tima-Cadde.. Aamiin ..
ereyadani waa ereyo la wada yaqaan ciyaal ilaa
ciroole se aad moodo in la isu adeegsado kaliya marka wax la iska ridanayo..
tima cadde markuu ereyadan tirinayay dabcan xaalada maanta taagan way
ka duwanayd se bal ereyadu waa kuwo dhaxal noqda ereyadan iyo kuwa la midka
ahiba ay jiridoonaan ilaa inta afkani ka jiridoono (Af-Soomaali)
Ereyada abwankan hadaan kala qaado oon soo qaato
ereyga hore ee ah Ninka duday distoorkiyo waxyiga diintii ka caroowye ..
ereyadani waa ereyo qiimo iyo qaayoba ugu fadhiya dadka caqliga
wanaagsan ee imaanku dheehanyahay markiiba waxaa kugu soo dhici karta in
ereyadani xujo yihiin.
runtii abwaanku marka uu ereyadan tirinayay
macnahoodu waxa uu usocday sida ay u taaganyihiin abwaanka oo isla markaa
dadka ku soo dabaalayay in bal in uun diinta loosoo laabto taasoo dawo u
noqonkaraysay qabyaaladii iyo cilmi la aantii jirtay xiligaa.. wakhtigaa oo
wax dagaal ah oo si xun la isu gumaaday aanu taariikhda ku soo marin iyadoo
la isu gumaadayo kaliya qabiil ahaan dagaaladii ka soo maray dadka Reer
somaliland dawlladii cadawga ahayd ee la baxday Kacaanka ..
dagaaladani khaasere badan ayay gaysteen waxaad se moodaa in woxogay khibrad
ah laga faaiiday,
khibradan oo ah in bal hadii qabiil qabiil ku
dagdagi jiray ama odayaal qabiil ka socdaa xume ka talis la soo ordi jireen
in bal maanta dib u yar hakiyaan arimahaas oo la wada ogaaday in
qabiilna aanu quudhsan karayn ama aanu muquunin karayn haduu dad iyo
dhaqaaleba ka badanyahay kankale kolay khibradahaasi waa kuwooda
wanaagsan..
in badan baad aragtaa wax wax ku siiya se
wax wax kuu sheega in yarbaad aragtaa,
dulucda nuxurkani waxay tahay hadaynu eegno
xaalada maanta Somaliland taagantahay baa waxay tahay in muddo 12 sanno
ah la waday sidii bal 30kii sanno ee ka ka lumay somaliland in bal ay
si dagdag ah ku gaadho nasiib darro Somaliland waxyaabaha ay ku soo
hagaagtay ilaa hadanna hortaagan baa waxay tahay in bal marka hore ay la
jaar tahay Dad aan dawlad lahayn oo jaarxumo Somaliland xagaa ka dareento (Somaliya)
dhanka kale waxaa inaga xigta Dawlad xumaantaada mooyee wanaagaaga aan ka
talin (Jabuuti) taasna waxaa keenaysa dee in ay meelo badan inagula
bartamayaan oo ay eegayaan hadhaw somaliland oo la ictirafo waxaa idinka
wareegaysa Dakada bada cas waxaa la idinkaga xoog badanayaa xaggan iyo
badacas waxaa la idinkaga awood badan doonaa dhulka iyo badaba dhaqaale
ahaan iyo awoodba..
xagga kale jaar waxaynu la nahay dawlad qadiimi
ah oo jirtay wakhti dheer waxyaabaha aynaan isku keenayn waxaa ka mid
ah dawladan iyo inaga waxa weyn ee mar walba tuhunku ka taagnaanayo oo ah
Diimaha kala duwan oo mar ay noqotoba la iskaga hor iman doono ta dheeraadka
ah oo ah in bal hadana xaqiiqda marka loonoqdo Ethopia ay isku dayayso in
aan laga madaxbanaanaan oo ay isku dayayso in bal mar walba saas loo hoos
joogo oo saas loogu baahdo .
intaas oo arimood jamhuuriyadan u adkaysiga
badan waxay ugu adkaysanaysay oo ahayd in bal ay isku duubnaan
muujinayeen goor iyo ayaan shacabka dahabka ahina tan iyo haatan shookaanta
u hayeen siyaasiyiintooda aa aanay marnaba ka indho jeedsanin hogaanka dalka..
runtii hadaba waxaa la soo gaadhay xili aynu ka
ilka dhacsano hab beeleedkii oo loo gudbo dimuqraadiyad iyo afkaar meel wada
marta muran door leh ayaa hadaba dhex taagan labada xisbi ee Udub iyo
Kulmiye oo ku saabsan bal hada kii doorashadaa sida xalaasha ah u helay taas
oo kama danbays ay maxkamada sare ee qaranku ansaxindoonto kooda
guulaytay hadaba shacabyohow wanaagsani inagoo kala Xisbiyo ah hadana aynu
is kuwada xisbi nahay oo 4jiho ee Somaliland jihada bada mooyee jihooyinka
kaloo dhan ay inaga xigaan dad ay tahay in aynu ka foojignaano mar walba
ayaa waxay tahay talada maantu in aan lagu jahawareerin xisbiyada
koodii badiya oo kii badiyaba loo hogaansamo dhammaan taageerayaashii kala
duwanaa, oo danta guud la eego, waa in la xasuusto in labada xisbi ee is
eryanayaa labadaba si is le,eg loogaga codeeye dalka bari ilaa
galbeed oo xisbina qabiil laguma tilmaami karo xisbina qabiil ma beer
laxawsan karo dadka kala duwan oo fikrado ku walaaloobay weeye umada
codaysay yaan la kala didin, hogaamiyihii xisbi ee duda ama ka dida
ga,aanka maxkamada sare dee kaas umaba cadda 3jiho ee ah in la iska
ilaaliyo kaa dhan ha laga wada maro waayo wuxuu duulan ku noqon doonaa
jamhuuriyadan dahabka ah
ugu danbayn iyo gabogabo oo ah ninka
duday distoorkiyo waxyiga diintii ka caroowye dugsi malaha qabyaaladi waxay
dumiso mooyeene dhammaan xisbiyadu waxay balanqaadeen in distoorka loo
hogaansamo diintana lagu dhaqo dalka ballan qaadyadaa xicbiyadu yaanay ka
bixin
Wabillaahi Towfiiq
Cumar Cabdi Nuux
Helsinki Finland
M
