WARGEYSYADA LOOGU YEEDHO MOQDISHO TIMES IYO XOGOGAAL OO SOMALILAND KU HAYA DAGAAL XAGA SAXAAFADA AH 

(Press Released 21/01/02 – Somaliland Democracy Watch -UK– SDWO)Waxa mid aad loola yaabo ah waxyaabaha ay qoraan labada wargeys ee ka soo baxa magaalada Muqdhisho kuwaasi oo ay ka muuqato in ay wadaan dagaal xaga saxaafada ah oo ay kaga soo horjeedaan deganaanshaha iyo kala danbaynta ay Somaliland gaadhay tani oo ku tusaysa sida ay uga xunyahiin nabadgelayda iyo horumarka ay Somaliland ku talaabsatay isla markaasna maadaama ay Financial Times ka soo xigato wararka ay qoraan waxa ay ugu talo galeen in ay aduunka tusaan in aanay Somaliland wax nabad iyo maamuli ka jirin.. 

Horaa loo yidhi  been sheeg se been run u eg sheeg. Nacayb ay somailand u qabaan ayaa wargesyadaasi ay qoraan wax ala wixi ay doonaan.  Haddaba waxa nasiibdaro noqotay in wararkaas iyadii oo anay iska hubsan ay ku soo baxaan website ay leedahay wargeyska la yidhaah Financial Times ee ka soo baxa magaaladan London   Waxyaabaha ay qoreen  ee aan aadka ula  yaabnay waxa ka mid ahaa. 

Bishii September 2001,  Ka dib markii qaraxyadu ka dhaceen dalka Maraykanka ayaa iyaguna waxa ay qoreen warar ay sameeyeen oo ay lahaayeen, Waxa la qarxiyey gurigii madaxtooyada ee Somaliland isla markaasna qaraxaas oo aad u weeynaa wuxuu sababay in gurigii intiisii badnayd duntay, markaa uu qaraxu dhacayna uu madaxweynahu ku sugnaa goobtaas se wax dhaawac ahi aanay ka soo gaadhin, imikan booliska iyo CID du ay soo baadhayaan cidii ka danbaysay qaraxaasi.  Iyagoo sheegaya in ay warkaas ka soo xigteen Radio Hargeysa iyo Taliyaaha ciidanka booliska Somaliland oo ay la xidhidheen. 

January 16^th  2002 markii ay maqleen weftigii xaqiiqa raadiska ee qaramada midoobay in ay gaadheen Hargeysa maqleena sababta ay Somaliland iyo Somalia ay u marayaan ay tahay bal in ay wax ka ogaadan xaalada nabad gelyo, ayaa waxa ay Muqdisho Times qortay laguna faafiyey website ka Financial Times in hub badan oo ay dawlada Itoobiyi ku soo caawisay Somailand ay jidad goyn u galeen mucaarid hubaysan oo ka soo horjeeda Somaliland meesha la yidhaahdo Wajaale halkaasi oo dagaal culusi ka dhacay ka dibna mucaaridkii aay hubkii gacanta ku dhigeen dhawac iyo dhimashana gaadhsiiyeen ilaaladii shixnadaas hubka ahayd la socotay. 

January 19^th 2002, Waxa ay marlabaad soo qoreen Moqdhisho times wararkii ay ku sheegayeen in hub Somaliland u socday lagu qabtay Wajaale,  Se imika sheekadii way yara bedeleen waxayna yidhaadeen Raadyoow ay leedahay Oramadu oo ku yaala Eleteriya ayaa sheegay in hubakaas oo ay itoobiyi u dirtay Somaliland lagu qabtay tog wajaale, halkaasna ay mucaaridku khasaare weyn u geeysteen ciidamadii itoobiyaanka ahaa,  iyagii oo sheegay in ay tahay markii ugu horeysay ee hub loo soo mariyo Somaliland dhinaca dhulka iyadii oo hore  loogu keenijray diyaaradado.

January 20^th 2002  Wargeysaka loogu yeedho Xogogaal ee ka soo baxa xamar ayaa isna qoray in Radio Hargeysa sheegay in gudoomiyaha Bangiga Somaliland uu ka digay lacag faalso ah oo ka timid dhankaas iyo Somalia ay soo gashay Somaliland lagana feejigaado, tani oo ay ku sheegeen in sekuuratiga oo aad u jilicsan darteed ay suurto gal noqotay in lacagtaasi ay Hargeysa soo gaadho. Lacagtaasi oo ay soo geliyeen iskana leeyahiin dad baayacmushtari. Isla markaasna uu gudoomiyahu ku amray in boolisku ay soo xidhxidhaan daadkaas  lacagtaas keenay.

January 20^th 2002 Wargeyskaa loogu yeedho Moqdishu Times ayaa qoray in Hargeysa lagu xidhxidhay 20 qof oo halkaas ku shirayey, iyadii oo lagu eedeeyay in ay ku guda jireen shir aan sharcigu  ogeleyn, se dadkaas la qabtay ay sheegeen in aanay wax shir ah ku jirine ay iska qayilayeen, imikan ay dadkaas daba socdaan haaydaha xaquuqda adamiga sidii loo sii deeyn lahaa. Wararkaas oo dhana lagu baahiyey website ka Financial Times ka. 

January 13^th 2002 Wargeyska Moqdisho Times ayaa qoray laguna fidiyey website ka Financial Times in taliyahii Jeelasha Somaliland Col. Ali Sugal Dhodi uu baxsaday tegayna Burco isagoo sheegay in uu arkay in Cigaal yahay keligii taliye aan dadka u ogoleeyn in ay si xoriyad ah u hadlaan, isla markaasna dadbadani ay jeelasha ku jiraan ilaa 4 sano iyadii oo aan la xukumin, taliyahaasina uu ku tilmaayay in maamulka Cigaal ku sii xunyahay kii Siyaad Bare waxaanay intaas ku dareen in taliyahaasi yahay kii ugu horeeyay ee darajadaas oo kale leh oo ka baxsada Cigaal una galay mucaaridka.

Halkan laguma soo koobi karo wararka ay Financial Times tu ka soo xigato labadaa wargeys oo aad maalin walba ku arkaysid been qaawan.   Hadaba waxa haboon in laga feejignaado wararkaas been abuurka ah ee ay ku kaceen saxaafadaha ay leeyahiin cadawoga Somailand, xidhiidhana lala sameeyo website ka Financial Times, laguna baraarujiyo wararkaas been abuurka ah ee loo soo gudbinayo website kooga. Emailka Financial Times kuna waa  News@ft.com

Long Live Somaliland 

Guled Cabdi           – Gudoomiyaha Ururka   - London

Mukhtar Axmed     - Gudoomiye xigeen        - Hargeysa

Axmed Maxamed   -Afhayeenka ururk           - London