DIMOQRAADIYADII
SOMALILAND WAAGIIBAA KU GUDUUTAY
SDWO
– Somaliland Democracy Watch Oraganisation – Press Release 30/11/2004
London). Ugu
horeyn waxaan aad u dhaleecaynaynaa xadhiga lagula kacay afarta qareen ee sida
sarajooga ah maxkamadu ugu xukuntay min sedex sano oo xadhiga.
Iyada oo idhaha
caalamku bar yahayn danbe si gaara ugu fooraraan nidaamka dimoqradiyada
Somaliland, isla markaana tusaale loogu soo qaado dawlado badan oo ka mida
dunida sadexaad hab u socodka dimoqraadiyada Somaliland ayaa waxa carqalad iyo
ceeb u soo jiiday xadhigii degdega ahaa ee dhawaan lagu la kacay qareenadii u
doodayay gabadh da yar oo dacwad lagu soo oogay.
Maxkamad
qalanlaase iyo buuqba waa ka dhashaa nidaamo badan oo loo xaliyi karo ayaa
jira iyada oo la dhawrayo sharciga, kala danbaynta iyo dimoqraadiyadaba.
Somaliland oo arimaahaasi oo dhan ku socod bariyina waxay u baah nayd
inay u yeelato foojignaan, dulqaad iyo dhawr sanaan si ay u muujiso
dawlad-nimada iyo nidaamka ay ku faaanto inay gaadhay.
Hadab xadhigan ay xeer ilaaliyaha iyo
gudoomiyaha maxkamadu la beegsadeen qareenada oo muujinaya ku tagrifalid
awoodeed marka laga eego mudada ay xabsiga u taxaabeen isla markaana ah meelka
dhaca ay u gaysteen hankii loo qabay dimoqraadiyada Somaliland dhana ka
muujinaya dulqaad la’aanta iyo xal u helis la’aanta arimaha qaarkood ka
haysta xeer ilaaliyah iyo gudoomiyaha maxkamada.
Siday wax ka
noqdeenba Xeer ilaaliyaha iyo gudoomiyaha maxkamada waxaa la yidhi caano
daatay dabdood la qabay. Hadaba
waxaanu ugu baaqaynaa maxkamada iyo xukumadaba in arinkaasi laga daba tago
laguna dadaalo sidii si dhakhso aha qareemada loogu soo celin lahaa
xoriyadooda kadibna loo sixi lahaa halka qaladku ku jiro loogana foojignaan
lahaa sidii aanay ceebtan oo kale aanay dub ugu dhacdeen maxkamadaha
Somaliland.
Guud ahaan waxa
shacbiweynaha meelwal oo ay joogaanba ka wareeriyay kiiska gabadhayar ee
mudada intaas leeg soo jiitamayey khalkhalka iyo ceebahaa la arkayana soo
gaadhsiiyay maxkamada iyada oo ay ahayd inmarhoreba dhan loorido xaqiiqdiisana
loo dhaadhaco cidii u xidhan xoriyadooda loo celiyo haddii aan waxa cad lagu
hayn. Yaan xaalku noqon dimoqraadiyadii Somaliland waagiibaa ku guduutay.
Allaa
Weyn Ninkii Aaminaa Awood Leh – Long Live Somaliland
Guled
Cabdi Sheekhaash – Gudoomiyaha SDWO
Axmed
Maxamed Yusuf – Gudoomiye kuxigeenka SDWO
M
