Press Release – Go,aanka Xil  kordhinta Golaha Guurtidu wuxuu ka Turjumyaa kalsooni la,aanta xukuumadu ay ka qabto codbixiyiyaasha

BARR AMA BARRO TAARIIKHDII CADAADISKII SHACBIGA SOMALILAND

PRESS RELEASE  

Somaliland Democracy Watch Organisation – SDWO – Press Release 10/05/06) Somaliland waxay  soo martay marxalado aad u kala gedisan tani iyo gooni isutaagii 1991.  Somaliland waxay ku soo bilaabantay hab Beeleed iyo Axdi qarameed tan iyo markii laga guuray Axadi qarameedkii loona codeeyay Dastuurka Dalka, ka dib waxaa loo dareeray oo si nabadgelyo ah ku dhacay sedex doorasho oo kala danbeeyay, Dowladaha hoose, Madaxweynaha iyo Baarlamanka.  Doorashada afraad ee hadhsani ee noqonlahayd gebogebadii  hanaan socodkii dimoqraadiyada xisbiyada badan waxay ahayd doorashada golaha guurtida oo wakhtigoodii ku ekaa bisha October 2006.  

Waxay  noqotay mid dadka intooda badan ee jecel isbedelka iyo hanaanka dimoqraadiyada ay somailland qaatay ka argagaxisay kana yaabisay kordhinta uu madaxweyne Riyaale uu u sheegay golaha guurtida inay isku kordhiyaan mudo afar sano oo kale oo ku eg sanadka 2010ka iyo sida degdega ah ee ay odayaashii golaha guurtidu uga aqbaleen iyagoon eegin sharcidarada ku gadaaman talaabadan ay ku talaabsadeen isla markaasna waxay wax weyn u dhimi karta hanaankii dimoqraadiyadii ay Somaliland higsanaysay aduunkuna ku amaanay soo afjarideedana lana filayay dhowaan.  

Waxa kale oo wax laga amakaago ah sida aan Baarlamanka iyo xisbiyada qaranka haba yaraatee arintan aan loogala tashan loona soo ogaysiin iyadii oo sharciyan ay ahayd in barlamanka uu u soo gudbiyo madaxweynahu ka dibna ay ka doodaan go,aanka ka soo baxana ay u gudbiyaan golaha guurtida oo ansaxinta u danbaysa iska lahaa, ka dibna maxkamada sare loo gudibiyo si ay u sharciyayso, halka  imika dhinaca kale lagaga yimid ee maxkamada lagu soo horeeyay.  

Hadaanu nahay Somaliland Democracy Watch waxaanu u aragnaa arintan inay tahay:

Sida Madaxweynahu sheegay waa arin uu ka hawlgalay oo uu ka  soo dhameeyay ilaa maxkamada sare intaanu umada u soo bandhigin waa arin si hoos ahaan ah ay u wadagaadheen  Madaxweynaha, Gudoomiyaha Maxkamada Sare iyo Gudoomiyaha Golaha Guurtida.   Xataa hadii kordhin loo baahanyahay inta la soo dhamaystirayo sharciyada qabyada ah ee xeerarka dooroshooyinka golaha guurtida  SDWO ahaan waxaan qabnaa  in la kordhin karayey lix bilood ilaa sanad kolba inta la is yidhaah waa lagu soo dhamaystiryaa xeerarka dhiman laakiin may ahayn  mudadii dorashada ay ku iman lahaayeen xubnahu mudo leeg in la yidhaah doorshana ha gelinee madaxweynahu wuxuu rabaa inaad iska sii fadhidan ilaa iyo 2010ka iyaguna ay ka aqbalaan.  Ogolaanshahooguna wuxuu noqonayaa meel aan markii horeba rabay roob igu hel.  

Madaxweynaha waxaanu u soo jeedinaynaa inuu dib uga noqdo talaabadaas qalafsan ee uu qaaday kana hor imanaysa horumarka iyo hanaanka dimoqraadiyada Somaliland, waxanuna leenahay Madaxweyne inaad u aragto maaha hadii doorasho ay hada dhacdo xisbiayda mucaaridka ayaa hadana aqlabiyada golaha guuritdana kaa helidoona sidii dhacday dooroshadii baarlamanka.  Hadii ay xukuumadii wada tahay UDUB oo ay dadkii codkoogii ku garteen in Baarlamanka ay aqlabiyada siiyaan xisbiyada mucaaridka inaad dhib iyo cadaadis u aragto maaha, waxa go,aankaas gaadhay dadkii ku soo doortay, imikana waxay ahayd in dadka xaqii ay u lahayeen inay soo doortaan xubnaha golaha guurtida aan laga hor istaagin. Madaxweyne inaad shacbiga xaqoogii ka duudsido may ahayn  ee waxay ahayd in xaqoogii la siiyo oo iyagu cidii ay u gartaan sedexda xisibi iyadoon cidina qasbayn ay codkooda siiyaan sidii sedexdii doorasho ee hore.  

Waxaan u aragnaa isku kalsooni la,aan ka soo ifbaxday xukuumada inay ka werwer qabto in doorashada golaha guurtidana lagaga guulaysto siidii tii baarlamanka oo kale. Markaa in madaxweynahu yidhaahdo mar hadii ay shacbigii iga codaynayaan doorashaba dhicimayso  waa arin  gef  iyo meel ka dhac weyn ku ah dhamaan hanaankii lagaga guurayey hab beeleedka ee lagu dhamaystiryay hanaankii dimoqraadiyada  ee xisbiyada badan.  

Waa cawaaqib xumo in maanta ay Sedexdaa masuul ee Madaxweynaha, Gudoomiyaha Maxkamada Sare iyo Gudoomiyaha Guurtidu inoo horseedeen in aan hab beeleedkii  ku sii jirno ilaa iyo inta laga gaadhayo 2010ka.  

Waxaan ku soo gunaanadaynaa Caano daatayba dabadeed la qabaye in arintaas sedexdaas masuul ay ka noqdaan oo wakhti gaaban oo doorasho lagu soo diyaarin karo ay cayimaan iyagoo hanaanka sharciga dalka u yaal u maraya.

Long Live Somaliland

Guled Cabdi Sheekhaash – Gudoomiyaha ururka SDWO

Axmed Maxmed Yusuf – Gudoomiye ku xigeenka SDWO

Mukhtar Axmed Sh. Adan – Xoghayaha ururka SDWO

SOMALILAND DEMOCRACY WATCH ORGANISTION - NEWS PAGE