Bogga wararka ee Somaliland Democracy Watch

	SM SDWO	*Somaliland Democracy Watch Organisation* To Promote Democracy In Somaliland	Contact us

Hayayda Samafalka SDWO iyo xafiiska Samafalka Madaxtooyada oo si wada jir ah raashin ugu qaybiyey muujahdiinta Jimciyada Sooyaal

BARR AMA BARRO TAARIIKHDII CADAADISKII SHACBIGA SOMALILAND

Hargiesa 2007

British P.Minster

Welcome Party

Hargeisa Univ

Hargiesa 2006

S/Land-Aljezera

SDWO (Hargeisa 24/10/2011) Waxa ka dhacday xarunta mujaahidiinta jimciyadda Sooyaal xaflad aad loo soo agaasimay kuna saabsanaayd qaaybin raashin loogu tala galay mujaahidiintii dalkan xoreeysay oo badankoodu naafo u badnaa iyo agoomihii ay ka tageen geesiyaashii dalkan xoreeyay raashinkaas oo ay iska kaashadeen hayada SDWO Relief iyo xafiiska samafalka madaxtooyada.

Waxaa ka soo qaybgalay Maareeyahay xafiiska samafalka Madaxtooyadda Marwo Aamina Maxamud Diiriye, Wakiilka SDWO Relief Project ee Somaliland Xassan waraabacadde, Saciid Cabdi gaboobe iyo Mareeyaha xarunta mujaahidiinta Sooyaal Mudane Xassan iyo mujaahidiin aan la soo koobi kareeyn oo ku dhawaad ahaa 300 00 qooys.

Waxa ugu horeeyn ka hadlay madasha Mujaahid Hassan gudoomiyaha Sooyaal oo mahadnaq aad u balaaran u soo jeediyay xafiiska samafalka iyo Haayadda SDWO oo kaalmo muhiima la soo gaadhay mujaahidiinta oo mudaba umadooda ka dhursugayay maantana xukuumada talada haaysaa ay tahay mid daryeel la garab joogta dareensanyihiina in ay wax u tari doonaan naafada tirada badan ee sooyaal ku abtirsata.

Wakiilka Haydda Samafalka SDWO ee Somaliland mudane Xassan Waraabacadde baahida taalay isagoo ku hadlaya afka Gudoomiyaha sdwo Guled Cabdi Sheekhaash waxa uu yidhi Mujaahidiintani waa ku wii dalaka xoreeyay isla markaana kuwii geeriyoodayna waxa muhiim ah in aynu xusuusano. Waxana mahad u celiyay muslimiintii ka qaaybqaadatay soo ururintan mucaawimada ahaayd oo soo socotay mudo markii sadexaadna aan maanta ku soo khatinay xaruntan sooyaal gaar haan muslimiinta Faransiiska degan oo abaabulka lahaayd , waxaanan mahad gaar ah u celinaaynaa xafiiska samafalka madaxtooyada oo marwalba noo tilmaanta halka baahidu taalo sidaa daraadeed aay lagama maarmaan u tahay in aynu dhiiri galino xafiiskaasi ay hogaamiso marwo Amino.

Dhinaca kale gudoomiyaha SDWO Guled Cabdi Sheekhaash oo qoraal soo saaray ayaa yidhi: 20kii sanadood ee aynu ka soo gudbnay dhamaan xukuumadahii ka horeeyay xukuumadan hada joogta dhamaantood waxay si badheedh ah u dayaceen agoontii Mujaahidiintii dalkan xoreysay, iyagoo hilmaamay in kursiga ay ku fadhiyaan uu ku yimid dhiigii mujaahidiintii naftooda u huratay.

Hadaba xukuumadan cusub waxaan u soo jeedinayaa in xaqii ay dalka ku lahaayeen la siiyo, oo xukuumadu way awooda inay ugu yaraan ka daboosho wixii ay cuni lahaayeen.

Dhamaan Somaliland shacbi iyo xukuumad yaynaan ku sii jirin abaal laawayaashii aynu ahayn 20kii sanadood ee laga soo gudbay, oo bal aynu is weydiino maxay mujaahidiintii ugu dhimatay xornimada dalkan.

Waxay yidhaahdeen intii aynu dhamaanteen gunimo iyo gumaysi kuwada noolaanlahayn anigaa naftayda u huraya oo u dhimanayee, geeridayda ka dib intiina nooli xornimo iyo barwaaqo ku noolaada.

Hadaba miyay daw tahay in mujaahidiintii nolashan, daarahan dhaadheer, nabadgelyadan iyo dowladnimadan dhiigooga ku waraabiyey in ogoontii ay ka tageen 20 sano inagu ag dayacanyahiin.

Waxa qadarin la,aanta ka mid ah in xataa aynu garanweynay in caruurtoodii ha awoodaan ama yayna awoodine in jaamacadaha bilaasha looga dhigo si ay wax u bartaan oo aanay uga hadhin midhahii geedkii uu aabahood beeray ee uu dhiigiisa ku waraabshay oo ay arkayaan dad kale oo midhahii iska guranaya.

Waxaan soo jeedin lahaa in Jaamacada Hargeysi ay awoodi karto in ay sanadkii 20 arday qaaadato, 6da jaamacadood ee gaarka loo leeyahayna midiiba 10 arday qaadato, oo marka macaanka shilinka la xasuustaba la barbar dhigo oo la xasuusto dhiigii aabahood inoo shubay.

Dhamaan mujaahdintii inaga geeriyootay ilaahay waxaan uga baryayaa inuu naxariistii jano ka waraabiyo waxa dishay gacan ka xaqdarane.

Dhamaan Agoomihii iyo mujaahidiintii waxaay u duceeyeen hayadda samfalka ee SDWO waxaayna ku baaqeen in loo soo badiyao xasuusta si aay u noqdaan kuwo ku ilaawa dhibka maanta haaysta waxaanay taageereen halku dhiga hayaada SDWO oo ah daawanaayoow waa dadkaagii, daawanaayoow waa dalkaagii.

Dhinaca kale Jimciyada Sooyaaal ayaa shaaahdo sharaf gudoonsiiyey Madaxa xafiiska Samafalka Madaxtooyada Amina Maxamuud Diiriye kuna habnaleyay siday had iyo jeer ugu dadaalayso taakulaynta dadka jilicdsan. Iyagoo ku tilmaamay hadalkii ka soo yeedhay Faysal Cali Waraabe ee uu ku naqdiyey waxqabadka xafiiskan samafalka wax laga xumaado oo lala yaabo.