Bogga wararka ee www.Somaliland-democracy-watch.co.uk

Asalaamacaleykum.w.w.Bacda salaan waxaan akhriyey maqaal uu qorey Cumar Cabdi Nuux .Oo uu u bixiyey Kulmiye imisuu u qaybsami?.

Runtii waxaan la yaabay sida qorahani u baalmarey dimoqraadiyadda lagu doortey Musharraxa madaxweynenimo iyo sidii habsamida aheyd ee loo kala saarey musharrixiintii u loolamayey jagada M.ku xigeennimada .Somalidu waxay ku maahmaahdaa Hasha diideysaa maqaarka meel daloosha ayey ka ursataa oo aan ula jeedo qoruhu wuxu buunbuuniyey raggii u sharraxnaa jagada madaxweyne ku xigeenka oo lixdii nin ee ku tartamayey markii nin guuleystey ay afar kamid ahi goosteen iney isaga baxaan ururka galaanna Ururka Udub,Haddaba haddaan maskax fayoow ku eegno waxa nimankaasi sameeyeen ma waafaqsan tahay Dimoqraadiyadda jawaabta oo koobani waa maya haddaba niman is ceebeeyey oo dudey markey waayeen jagadii

oo ku biirey urur ay maalin walba waxka sheegi jireen ma waxa habboon in arrintooda la qiimeeyo mise waxay aheyd in loo caqli celiyo oo lagula taliyo inaaney waxaas oo kale dib u sameyn dadkana u horseedin sunne aad u xun.

Runtii Cumar cabdi hadalkiisa waxa ka muuqata eex weyn uu kula kufey ururka maney aheyn inaad sidaas wax u qiimeyso ee waxay ahayd inaad ka sheekeyso

sida dimoqraadiyadda ah ee loo doortey musharraxiinta Gabyaagii caanka ahaa ee salaan carrabey ayaa wuxu yidhi waxba yaanu xeerkay imarin xoolana isiinne xaashe,e nin libin kaa xistiyey xumihi waa yaabe.

Runtii markaan uhadalo si lillaahi ah ururkan kulmiye waa ururka ugu mudan ururada maanta meesha ku tartamaya waxaana hogaanka u haya nin aan hore u shirrabney oo naqaanno caddaaladdiisa dushiisa iyo hawlkarnimadiisa .waxa ilaahey hibo u siiyey inuu dhibkasta oo ku timaada uu u xalliyo si aad u deggan oo qof waliba ku raali noqdo marka arrintan yar eed taabatey haddaaney cidkale lug kula jirin wuu xalilidoonaa si dhakhso ah haddii ilaahey u fududeeyo.Waxaan hadalkeyga ku soo gebagebeynayaa ururka kulmiye ma qaybsana mana qaybsami doono ee wuxu ahaan

hal urur oo siduu u dhaqmi doono ururo badani ku hinaasi doonaan higsanna doonaan sababta aan sidaas u idhina korbaan ku soo xusey ee saaxiibkey Cumaroow qoraalka

eexda ka saar oo ha qorin arrin cid waliba layaabeyso oo aan haba yaraatee wax raada ku laheyn ururka Kulmiye.

Qofka qoraaga ahi waa inuu hadduu dhexdhexaad yahay ururada tartamaaya mid walba soo bandhigaa waxaad ku dhaliileyso marka halka waxa ka baxaaya shakigii lagaa qaadi lahaa laakiin haddaad urur qudha u raadiso xumaan taasi isweydiin malaha inaad u xaglineyso urur,taasina waxay dhaawaceysaa fekred dad badani kaa haystaan

oo aheyd inaad tahay qoraa caddaali ah. Waanad u madax bannaan tahay inaad taageerto ururkaad doonto laakiin qiiq isku qarintu maaha wanaag.

Fuaad yusuf fuad@sprint.ca