Jaaliyada Somaaliland ee Denmark oo beeninaysa qoraal dhawaan ku soo baxay shabakada hadhwanaag qaybteeda wararka. 

Bismillaahi raxmaani raxiim

Anagoo ah gudiga fulinta ee Jaaliyadda Somaliland ee Denmark waxaanu beeninaynaa war dhawaan lagu daabacay bogga hadhwanaag oo uu nagu eedaynaayay nin isku magacaabay maxamed raage oo ku doodaya in aanu ku takri falay lacag ay Jaaliyadu leedahay uguna deeqnay Ururka siyaasiga ah ee kulmiye. Kaasoo ah war aan sal iyo raad toona lahayn. 

Eeda qaybteedii Kulmiye waxaa ka jawaabay Maamulkii xisbiga anaana ka Jaaliyad ahaan waxaanu cadaynaynaynaa in aanay haba yaraate jirin lacag Jaaliyada ka maqan oo dan shaqsi iyo mid xisbi toona loogu adeegay. Runtii maanu jeclayn, maamul ahaan ka jawaabida wax uu soo qoray qof aan la garanayn oo aan ka mid ahayn xubnaha jaaliyada ama magac lagu garanayo bulshada somaliland ee degan wadankan denmark, balse inkastoo anaan jeclayn qofkaa la yooyotankiisa in aanu ka shaafino dadka somaalilanderka ah ee kala jooga dunida daafaheeda ee ay dhici karto in uu khalad fahansiiyo qofkaa beenta la wareegaalaysanyaa. 

Xisbiyada siyaasada iyo jaaliyada

madaama ay jaaliyadu tahay mid ka dhaxaysa bulshada somaliland ee Denmark degan oo dhan xisbigu doono haku jiro ama yaanu ku jirine mawqifkeedu maaha in ay u shaqayso xisbi gaar ah ama ay dhaqaale siiso haday haysatooba. markaa istiraateejiyadu jaaliyadu waxay tahay dhexnimo iyo in ay soo dhawayso oo ay u shir qabato xisbigii yimaada. waxaa iyana in la cadeeyo mudan in aanay Jaaliyadu haysanba dhaqaale ay ku kala taageerto xisbiyada dalka ka jira balse ay xisbiyadu iyagu ka samaystaan taageerayaashooda wixii dhaqaale ay uga baahanyihiin.   

Ka Cabashada Maamulka  

Maamulka Jaaliyadu waxay diyaar u yihiin wixii dhaliil ah ee ay u soo jeedinayaan xubnaha jaaliyadu ama shacbiyada somaliland ee wadankan degani balse waxaa fajac iyo amakaag nagu noqotay in qof aan ka tirsanayn jaaliyada ama magiciisaba aanaan garanayni uu intuu been iska qoro uu shebekaha wararka isaga diro. waxaanay u egtahay olole siyaasadeed oo ka qaloocday iyo qof nebcaysi la fogaaday. Runtii anagu ka maamul ahaan sidaanu horeba u cadaynay waxaanu mar walba diyaar u nahay la shaqaynta iyo u adeega dadkayaga markaa waxaanu jeclaan lahayn qofka na dhaliilayaa in uu toos noo soo abaaro ee aanu xisbi iyo qof toona aanu noo soo marin. 

Xisbi galka qofka. 

Sida uu saaxiibkaa na eedeeyay sheegay waxaa iyana uu danbi ku sheegay kulmiyenimada gudoomiyaha jaaliyada somaaliland ee Denmark. Taasina waa aragti shaqsi oo qofku madax iyo mijaba wuxuu xor u yahay xisbiga uu ku biirayo. Markaa saaxiibkaa wax soo qorayoow adna waxaanu kugula talinaynaa in aad taageerada iyo ololaha xisbigaaga aad been la'aan iyo eed la'aan ku gashid. Maalmihii ololuhuna waaba dhamaad ee waxaanu ku leenahay waa la doogiye yaan la dacaroon. Ceebina nimaan lahayn saaxiib ma qabato kulmiye iyo Jaaliyad toona hakula soo galgalan ee naqshad kale keen. 

Wabilaahi tawfiiq. 

Gudiga Fulinta ee Jaaliya Denmark        

    1.       Muuse Sheikh Axmed               Gudoomiye

2.       Cabdi X. Maxamed Aadan        Gudoomiye ku xigeen

3.       Mohamed Xassan Adan            Qasnaji

4.       Mahdi Cumar Faarax                 Xog haye

5.       Maxamuud Aadan                     Madaxa arimaha dhalinyarada

SOMALILAND DEMOCRACY WATCH ORGANISTION - NEWS PAGE