HAMBALYO IYO MAHADNAQ

Waxaa wada jir u diraya Ismail M Gadiid iyo C/risaaq X Balayax(risqo)

Hor iyo horaanteed waxaanu hambalyeynaynaa dhamaan bulshada Somaliland ee lama huraanka ah iyagoo hirgeliyey hamigoogii ahaa iney hogaankooda doortaan waxaan kaloon bogaadin u direynaa dawlada Somaliland, labada golle, axsaabta qaranka iyo saxaafada xorta ah. 

Waxaan la iloobi karin raga MIIDA ah ee ku bahoobey ururuka ANSHAXA kuwaasoo ehel u ah cilmiga iyo wanaaga, anagoo isla markaa codsi u direyna bulshada Somaliland iney dhiirigeliyaan ragas sideyna halkaas ugu hakan ee ay hore uga sii socdaan kana qeyb qaataan si wada jir ah hogaaminta toosan,ragas oo kala ah Sh.Mustafa, Sh.Dirir, Hadraawi, Bulxan, Prof. Suleymaan, Boobe iyo Gaariye.

Maanta waa maalin boqran oo ku suntan taariikhda Somaliland, waa maalin ay mahadeedu u sugnaatey keliya ALLAH(swt), maalin ay dalka Somaliland ka hawl galeen si wada jir ah dawlada Somaliland, 3 xisbi qaran, ururka wax u qabo, ururka anshaxa iyo gudiga doorashooyinka ah hay’adahani waa kuwo tiir adag u ah wada shaqeyn waa kuwa dhala dawlad lasoo doorto oo tamrteeda iyo tayadeeduba togan tahey, waxaanu mahad gaara u direynaa musharax UCID Feisal Cali Waraabe oo aanu u naqaano WADANIGA, anagoo uga mahad celineyna lexejeclada joogtada ah ee uu u hayo dalkiisa iyo dadkiisa muwaadin waxaad reebtey taariikh dhaxal gal ah. 

Madaxweyne Daahir Riyaale waxey xukuumadaadu ku guuleysatey iney si hufnaani ku jirto ay u qabato doorasho cadaaladi ka muuqato taas oo  aad amaanteeda kasbatey kuna dhigmi doonta taariikhda Somaliland, ugu danbeyntii waxaanu ka codsaneynaa musharaxa ku soo baxa doorashada dalka ee hogaamin doona 5 sanno ee soo socda inuu isna noqdo madaxweynihii u horeeyey ee  taariikhda Somaliland dhisa dawlad xull ah, oo kooban tayadeeduna sareyso, dawladaas oo aqoonteeda iyo kartideeda kaga qaada umadan dhulka wadhan, dawlad aan hoos maxafsan/dawarsan haya’adaha yar-yar ee u soo shaqa tegey dalka, dawlad aan aheyn maxaan cunaa iyo af carabkiisa iyo gawsihiisuba  soo milikhsanayaan, mid aan u hamuun qabin ka haagida hantida umadda, mid aan hayiga iyo hamiga umada kaga laalin hirdheer. 

Waxaanu xuseynaa sidey xilkooda iyo ka badanba uga soo baxeen saxaafadaha kala ah Haatuf, Jamhuuriya, Hadhwanaag.com, sdwo.com, radio hargeisa, hargeisa.org, snn.com, tv Europe.com, radiosomaliland.com iyo somalilandnet.com 

ALLAH ayaa mahad leh 

Guul Somalilandbaa leh 

Gobonimo shacbkaa iska leh. 

Diyaarintii Ismail M Gadiid & C/rissaq X Balayax(risqo)

gadiidsomland@hotmail.com  LONDON

SOMALILAND DEMOCRACY WATCH ORGANISTION - NEWS PAGE