WEYNU
DOOGIYE YEYNAAN DACAROON
Waxa
qorey: Ismacil M. Gadiid - London
Dadweynaha Somaliland
waxey muujiyeen bislaansho iyo wadaninimo lagu farxo, ugu horeyn walaalayaal
dhamaantiin dalka gudihiisa iyo dibediisaba aan idin xasuusiyo Somaliland inagaa
ku nool ee iyadu inaguma noola, sidaa aawadeed waa ineynu joojino qaabka aynu
wax u wadno oo lamoodo in waxeynu kala wadano/kala leenahey
ay ka muhiimsan yihiin waxeynu wada wadano/wada leenahey,
yeynaan arinta ka dhigin in cid gaar ahi wax gaara heshey,
cid gaar ahina wax gaar ah weydey(point scoring).
Hadaan isku dayo inaan ka
faalloodo doorashadii dalka ka dhacdey aynu ugu horeyno cod dhiibashadii dadka
oo aheyd mid aad iyo aad loogu farxey kolka la eego muhiimadeeda ugu weyn oo ah
nabadgelyo bal yara milicso waxa ka dhacaaya Nigeria oo agteena ah mudo badana
soo aheyd qaran, tirintii codadka ayaa iyaduna si aad u qurux badan loo
qaabeeyey taasoo cidii aan qanacsaneyna si fudud dib loogu noqon karo iyadoon
loo baahaneyn in sanaaduuqdii dib loogu noqdo,
natiijadu maaha ta ku meel gaadhka ah natiijada waxaa ku dhawaaqaya
Maxkamada sare sidaad la wada socotaan hadalkii gudidu wuxuu ahaa natiijada
kumeel- gaadhka ah.
Intaa ka dib aynu eegno
falalka dhacey, anigoon xisbi gaar ah taageersaneyn mid gaar ahna necbeyn,
shaqsiyan somalilander ah, sadexda xisbina ay soo galayaan inta ka hooseysa
Somaliland ama xisaab ahaan Somaliland
> xisbiyada, (waxaan mahad balaadhan u soo jeedinayaa Siilaanyo baaqida uu
ugu baaqey dadka iney nabad gelyada ilaashadaan), xisbiga kulmiye hadii ay
cabanayaan ayna hayaan cadeynteeda in iyaguna dariiqeeda maraan ayaa ku waajib
ah, cida xilkaas iska lihina iney waajibkooda gutaan waa hawl qaran oo loo
igmadey waa iney ka soo baxaan, dadka sheeganaya iney kala taageeraan 2 xisbi ee
qurba jooga ah waxaan leeyahey deelqaafka badan ee laga galayo shacbiga, dalka,
dadka iyo dawladaba hala joojiyo, hadii laaxin ku jiro natiijada ay ku
dhawaaqeen gudidu cidda keliya ee eedeeda iyo ciqaabteeda yeelaneysaa waa gudida
sababtoo ah waxaa gacantooda loo geliyey xilkii umada, masiirkii umada, aayihii
umada, xaqsoorkii umada iyo hankii/himiladii umada, sidaa darted hadey ka
baaqsadeen iney gutaan waa iney waajahaan ciqaabteeda iyo cawaaqib xumadeedaba
maaha in meel aan ku shaqo laheyn la xag-xagto.
Hogaanka ka heley iyo
kalaga helaaba waa iney dib dadka wax ugu celiyaan, kan heley waa in uu dadka
dib ugu celiyo wixii ay ku doorteen wadajirahaan kuwii doortey iyo kuwii aan
dooranba ha fuliyo balan qaadyadiisii, kan laga heley waa in uu dadka dib ugu
celiyo sidey u daba istaagi lahaayeen hogaankooda, taageerayaasha wey dhamaatey
xilligii axsaabta lakala ahaa, waxey aheyd kelliya mudadii doorashada iyo
olalaheedu socdeeen marka ay maxkamada sare ku dhawaaqdo natiijada dadku waa
Somaliland waxeyna daba joogasnayaan madaxweynahooda xataa haduu yahey kuu codka
kala bakheyley
Waxaase muuqata in
madmadowgu yaal meesha dhan uu jirose lama garan karo keliya markaad dhadhansato
wareysigii Cabdilaahi jawaan ee bbc-da 20/04/03 waxaa kuu soo baxaaya in isdaba
marin iyo muhmal weyn la dhigey taasi waxey soo bixi doontaa Markey wax cad soo
bandhigaan qoladan cabaneysa.
Gebegebadii waxaan ku
dardaaraya ciidamada qalabka sida, saraakiisha ciidanka iyo dhamaan waaxda
police-ka iney ka fogaadaan oo ayna ku dhex milmin siyaasad shaqadoodana
qabsadaan islamarkaa teliyaha ciidnka police-ka inaad ciidankaaga anshaxooda iyo
asluubtooda/aqoontooda sare looga qaado halka ay hada taagan yihiin lana baro
dadku iney dadkoodii yihiin ee ayna cadowgooda aheyn sidey ula dhaqmayaana wax
weyn laga bedelo, la baro tix gelinta xuquuqda aasaasiga ah ee muwaadinku
leeyahey, maaha iney sidii FAQASHTII ay
dadka iska garaacaaan xataa hadii uu eedeysane yahey ilaa inta maxkamadu
xukumeyso qofku waa eedeysane ma ah danbiile fadlan xidhiidhka ka dhexeeya
police-ka iyo dadweynaha waa in sare loo qaado labada dhinacba laga sameeyo
wacyi gelin iyo tababaro.
MAHAD ALLAH AYAA LEH
GUUL SOMALILANDBAA LEH
Waxaa qorey Ismail M
gadiid London
Gadiidsomland@hotmail.com
M
