Maxaa Laga Filayaa Maxkamadda Sare ee Somaliland (Go’aanka Doorashooyinkii Madextinimo)

Qore: Dr. Shacabi

Waxaan marka hore halkan salaan qiimo iyo qaayo leh ugu soo dirayaa Shicibweynaha Somaliland oo si sharaf, nidaamsanaan, nabadgelyo iyo xasilooni ku cod-bixiyey doorashooyinkii Madexweynaha iyo Madexweyne ku xigeenka dalka Somaliland ee shanta sannadood ee innagu soo fool haya, haddii Eebbe Idmo.

 Iyadoo shicibkeenii sidaas u codeeyeen, ayaa waxaa nasiib darro ah in uu weli muran ka taaganyahay natiijadii doorashadaas oo u dhexeysa labada Xisbi ee Kulmiye iyo Udub. Waxaynu U baahanahay inaynnu isweydiino maxaa sababay in xaaladdu sidan u dhacdo. Marka hore waxaa la wada ogsoonyahay in Guddiga Doorashooyinka Qaranku ay ku ballan qaadeen inay ku dhawaaqayaan natiijadda kama dambaysta ah maalinta Jimcaha oo ahayd April 18, 2003, sidii loo filaayey inay natiijadda ku dhawaaqaan ayaa waxaa dhacay waxaynnu wada ogeyn oo ahayd in haddana ay yidhaahdaan waxaannu dib u dhignay illaa Sabtida oo ahayd April 19, 2003.

 Waxaa cad in maalintii jimcaha ahayd oo doorashooyinka in lagu dhawaaqo ay ahayd in Xisbiga Kulmiye sida dad badan oo jooga Waddankii iyo sida ku caddayd in Guddiga Doorashooyinka Qarankaba ay horreeyeen Xisbiga Kulmiye, ka dibna ay Damaashaad ka muujiyeen waddanka iyo dibediisaba. Markii taasi dhacaday oo weliba qaar ka mid Guddigii u joogtay Xisbiga Udub ay sidaas ku qanacsanaayeen ayaa arrintii gaadhay madexda sare ee Xisbiga Udub, kuwaasoo u qaadan waayey, liqiwaayeyna in sina looga badinaayo. Waxaa markaas dhacaday in loo dacwoodo Madexda Aqalka Odayaasha iyo Gurtida si ay dib ugu dhigaan kuna adkeeyaan Guddiga Doorashooyinka inay ku dhawaaqista doorashooyinka hakad yara geliyaan. Taasi waxay ku tusaysaa, haddii ay caddaan lahayd in Xisbiga Udub ku guulaystay Doorashadaas maxaa keenay soo fara gelinta iyo U qayla-tagga labad gole, qof kastoo caqligiisa saliimka cugsanayaaba wuu garan karaa in arrintu sidaas u dhacaday oo runtii Xisbiga Kulmiye ku guuleystey Doorashadaas.

Maxaa haddaba arrintu ku dambaysey?? – Sida aynnu wada ogayn waxaa Guddiga Doorashooyinka qaranku ku dhawaaqeen maalintii sabtidii April 19, 2003 in Xisbiga Udub ku guukeystay 80 Cod. Waxaa markaas iyana soo bandhigay Xisbiga Kulmiye oo caddeynaya in iyagu runtii yihiin Xisbiga guuleystay oo ka horreeyaan Xisbiga Udub 76 Cod.

 Arrintu waxay taagantahay anigaa badiyey iyo anigaa badiyey…Waxaa la yaab leh in runtii Guddiga Doorashooyinka Qaranku intii hore ay hawl wanaagsan qabteen, laakiinse wax la tusayba ay markii dambe is-rogeen 180 degree oo ay yihiin kuwa maanta runtii aan ka soo bixin arrintii caddaaladad ahayd ee laga filaayey inay ku garsooraan inta arrintu aysan u gudbin Maxkamada Sare iyo in  la kaciyo dadwynihii Somaliland oo aan marnba uga harayn xaqooda cod-dhiibasho illaa ay helaan sida xaqa ah iyo qofka xaqnimo ku helay codkoodii ay sida sharafta iyo wadanimadda lahayd ay ku dhiibteen, taasoo aynnu ku dhaafnay dawladdo badan oo ah kuwa hore umaray iyo kuwa saddexaadba.

Waxaa hadaba is-weydiin leh, markii xisbiga Kulmiye uu dhawaan soo bandhigay sida ay uga horreeyaan Xisbiga Udub, goob-joogna ay ka ahaayeen Gudoomiyaha Guddiga Doorashooyinka Qaranka Mr. Cadami iyo suxufiyiin kaloo oo badani inuu yidhi Mr. Cadawi, “ Waa laga yaabaa inaan khaldanayn, laakiinse ku noqon mayno go’aankayagii hore”. Maxay taasi ku tusinaysaa??? –Waxaan qabaa inay ku tusinayso in hadday khaldameen oo aan la yaab lahayn illayn waa bani-adami, inay qirtaan khaldookda oo saxaan khaladkaas ay qirteen, laakiin ay weli ku indha adagyihiin go.aankoodii khaladnaa!!!

Arrintu iminka waxay U gudubtay Maxkamada Sare , waxaana shacabweynaha Somaliland u soo il-godayaan go,aanka ka soo baxa Gar-soorka Waadanka. Waxaa hadaba is-weydiin leh, maxaa ka soo bixi doona Maxkamadda Sare ee Waadanka , iyadoo la wada ogsoonyahay in Madaxa Maxkamada Sare uu dhawaan soo magacaabay Madexwyne Riyaale???

Su’aal kale ayaa iyana u baahan in dadka Somaliland is-weydiiyaan oo ah –waa maxay sababta Madexweynaha D’Jabouti, Cumar Geelle uu ugu soo hambalyeeyey Mudane Riyaale, iyadoo uusan ahayn ka qudha ee sidaas yeelay ee Wasikirka DKMG qudhiisuna u soo diray Hamabalyo????

Hadaynu ku noqonno gunnaandka qoraalkan oo ah maxaa ka soo bixi doona Maxkamada, maxayse noqonaysaa haddii la duudsiyo Kulmiye xaqiisa, taasoo aad iminkaba arkaysaan in Gudigga Doorashooyinku ku adkaysteen go,aankoodii hore kuna adkaynayaan Maxkamada Sare in iyaguna ay sidaas ku soo af-jaraan.

 Waxaa maanta loo baahanyahay in dhammaan shicib, Labad Gole iyo Maxkamada Sareba ay runtii waddanka kala baxsata bur-bur iyo dagaal dambe, waxaynu gaadhnay waxaan laga filayn waadan yar oo cid wax tartay ama aqoonstay aysan illaa hadda jirin, taasoo ay saldhig U ahayd una tahay Nabadgelyada iyo Bisalyka uu gaadhay Shicibweynaha Somaliland. Waxaa runtii ah wax lagu faano inaynnu wax weyn qabsanay, layna indha taagayo sida aynnu cadaaladnimo iyo garsoorid xaq ah ku kala saarno labad Xisbi.

Waxaan ka rajaynayaa in Maxkamadda Sare eegi doonto qofka iyo Xisbiga sida Xaqa u helay doorashadaas.. Haddiise ay taas gaadhiwaayaan, waxaan kula tallin lahaa in la qabto doorasho kale muddo ku sima lix bilood.

Wabilaahi Towfiiq,

Dr. Shacabi

Oakland< California, USA

SOMALILAND DEMOCRACY WATCH ORGANISTION - NEWS PAGE