Hargiesa 2007

British P.Minster

Welcome Party

Hargeisa Univ

Hargiesa 2006

S/Land-Aljezera

SDWO (Hargeisa 18/12/08) Madaxweynaha Somaliland Mudane Daahir Rayaale Kaahin, waxa maanta uu magacaabay Agaasimayaal guud oo uu isbedel ku sameeyay xilalkii ay hore uga hayeen Wasaaradaha qaarkood.

Madaxweynuhu isaga oo tix gelinaya in la dar dar geliyo hawlaha Qaranka , xilalkana loo guto si hufan oo ummada wax loogu qabto , waxa uu isbedel ku sameeyay Agaasimayaasha soo socda:

Mudane Axmed Xasan Yuusuf oo ahaan jiray Agaasimaha guud ee Wasaarada Qoyska waxa loo bedelay in uu noqdo Agaasimaha guud ee Wasaarada Warfaafinta iyo wacyi gelinta

Mudane Jaamac Maxamed Cabdi oo ahaan jiray Agaasimaha guud ee Wasaarada Warfaafinta iyo Wacyi gelinta waxa loo bedelay inuu noqdo Agaasimaha guud ee Wasaarada Horumarinta Reer Miyiga

Mudane C/raxmaan Maxamed Maal waxa isna loo magacaabay in uu noqdo Agaasimaha guud ee Wasaarada Arrimaha Qoyska iyo Arrimaha Bulshada.

Sidaa daraadeed, waxa wareegtooyinkaasi maanta soo saaray ku amray in ay xilalka la kala wareegaan Agaasimayaasha guud ee la magacaabay sida ugu dhakhsaha badan.

Alla Mahad leh

Siciid Cadaani Mooge

Afhayeenka Madaxtooyada JSL