Anigoo kamid ah dadweynaha qurba jooga somaliland ee aad u daneeya una jecel dalkooda meteleyana dhalinyaro ku dhaqan dalalka fog dalkoodii hooyo una dadaala muujiyana daltabyada iyo jacaylka dalkooda waxaanu aad ugu hambalyeynaaa dadweynaha reer somaliland ee sharafta leh una gutay waajibaadkoodii doorashada somaliland sida wanaagsan ee nabadgelyadu ku dheehantahay.

Waxaanu aad uga werwersanahay masiirkii ay dadweynaha reer somaliland ku muujinayeen doonitaankooda dimuqraadiyadeed, oo ay dhac u gaysteen dad aan dantooda iyo rabitaankooda ka talinayn oo ugu soo dhuumanaya weji siyaasadeed oo ku qotoma hadimo loogu talo galay in lagu afduubo jiritaanka iyo halgankii iyo taariikhdii loo soo galay maandeeq, waxaa taas lagu cadayn karaa arimo badan oo somaliland maragka tahay kana degi la, inta damiirkoodu ku sifoobey somalilandnimada, waxaa kamid ah arimahaas sida xusbiga dowlada sheegta maanta ka talisa somaliland ee udub uu afduubay kalsoonidii ay ku dhiibteen reer somaliland aftidooda  uguna codeeyeen aqlibayad xisbiga kulmiye. 

Taas oo ay kuu cadayneyso inay qirteen golayaasha guurtida iyo baarlamaankuba inay ka odeyeeyeen arintaas iyagu si kastaba ha u dhigeene, iyo sida uu ugu qancay markii ay soo bandhigeen kulmiye cadaymihii khaladka jirey gudoomiyihii kumishanka iyo hadaladiisii oo ay kamid ahaayeen waanu saxaynaa khaladka laakiin markii danbe ay u gudbiyeen maxkamada sare iyagoon waxba kabedelin, uuna si xagjirta ugu dhawaaqay ninka kamid ah komishan ku sheega mr.jawaan oo looga bartay hadana inuu had iyo jeer is xejo xisbiga udub oo marmarka qaarna difaacoba intuu ilaabo howshii loo soo xushay.

Arimahaas oo dhami waxay tusayaan in ay meesha ku jirto khaainimo lagu duudsiyayo dadka nabada jecel ee codkoodii la boobay, haddii aan inyar ka taabto udub iminka lama baranaayo waxa uu wadanka gacanta ku hayey mudo badan waxaa qudha oo lagu bartay musuqmaasuq iyo lunsasho hantida dadweynaha, wasiir aqalo waaweyn dhista iyo wasiirbarar, iyo cadaalad xumo, baaba,dantii guud ee wadanka kuwa neceb somalialnd ama federaal iyo carta ku sheega oo uu noqday gabood ay ugu soo gabadaan somaliland iyadoo lagu soo dhoweeyo wadanka ayna u ololeeyaan udub, iyagoon u sheegin dadweynihii ay denbiga ka galeen inay cafiyaan oo ay mabdaii ka soo noqdeen, iyo hambalyooyinka uga imanaaya cadowgii somaliland ee meelkasta iyo albaabkasta isku deyey inuu ka xidho somaliland waa jabuuti iyo kooxda cartae. Waxa udub ku afgobaadsadaa nabadgelyo ayaanu ka shaqaynay waa suaale nabadgelyada yaa ka shaqeeyey waxaa ka shaqeeyey waxgaradka Somaliland oo ay u horeeyaan odaydhaqameedyada iyo mujtamaca Somaliland ee nabada jecel. oo ka madaxbanaan dowlad. 

Waxaa kaloo wax la taaban karo ah bahda ku bahowdey udub oo ah dadkii ku mamay Qarankii soomaaliya laysku odhanjirey iyo Somalilandba hadaan ka taabto shaqsiyaad waxaa kamid ah riyaale oo ahaa sarkaal sare oo ah hay,adahii rajiimkii afweyne usamaystay cabudhinta ilaa xilligii laga xoreeyey wadanka laguna eedeeyey inuu ka qaybqaatay xasuuq lagu gumaadey muwaadiniin reer somaliland ah ilaa iminkana aan ka hadlin, gudoomiyaha golaha baarlamaanka waa qeybe oo ahaa ragii ugu xagjirsanaa dagaalkii ka dhanka ahaa somaliland iminkana lagu soo doortay hab beeleed oo aanu metelin somalilandna hagardaamo uun utara waayo meeday beeshii uu meteleyey waa beeshii reer sool, waxa kamid nin qaxooti ku ahaa wadanka ingiriiska iminkana ah wasiirka arimaha gudaha ninkaas oo aad looga raadinayo wadamada waqooyiga yurub ka dib markii uu galay denbiyo kala gedisan oo ah kootarabaan maandooriyayaal ah in badana ku soo baxay saxaafada somaliland gaar ahaan waxaa raadinaya booliiska sweden. 

Waa nasiib daro in danbiilayaashii reer somaliland ay maanta afduubaan qadiyadii iyo rabitaankii dadka oo aan ahayn keliya aqlibiyadii codka ee ay isku deyeyaan inay dhacaan ee u jeedada ka danbaysaa tahay in lagu hubsado rabitaankii gooni isu taaga somaliland boholdheer oo laga soo shaqeeyey maantana cadowgii maandeeq isugu hanbalyeeyo guul aan shaqayndoonin, hadaba su,aashu waxay tahay maxay dadka muwaadiniinta somaliland uga dhiidhiyeen rajiimkii afweyne dhacii iyo baabi,ii uu u gaystey haddii ay u dulqaadanayaan mid kaxun oo u dhashay somaliland . (madoraato raad kaan dhigay baan dib ugu soo laabtay  sidii aan dayeysnahay miyaan dowgii ka habaabay)  taasi kama suurtoobi doonto dadka reer Somaliland oo ku adag midnimadooda iyo gooni isutaagooda. Badbaadada maandeeq waxay ku xidhantahay in ay dhexka noqdaan waxgaradka iyo inta nabada jecel iyo maxkamada sare oo la sugayo halkay biyo dhigto in ay noqoto mid taariilkhda gasha iyo in ay noqoto mid saaxiibadeed raacda.

Allahayow badbaadi Somaliland

Adan A/salaan