DADAAL, ADKAYSI BADAN IYO WADNINIMO AYAY MUUJIYEEN WEFTIGII MUDADA DHEER  KU MAQNAA GOBOLKA SOOL 

Somaliland Democracy Watch - London – SDWO 22/11/02.  Waxan halkan hanbalyo iyo bogaadin aan la soo koobi Karin uga diraynaa dhamaan salaadiintii iyo cuqaashii mudada dheer ugu maqnaa sidii gobolka sool nabad loogu soo dabaali lahaa isla markaana dadka wada dhashay ee colaada dheeri dhextaalay ee dagaalka iskula jiray nabad waarta looga dhex abuuri lahaa. 

Waxa aan leenahay Illaahay waa idinku garab galay in arintaasi aad ku soo dhamaayseen si quruxbadan oo dadka Somaliland meel walba oo ay joogaana ay u riyaaqeen,  dadaal, wadaninimo iyo adkaysi badan ayaad muujiseen intii aad  arintaas ku jirteen. 

Waxa iyagan aan halkan hanbalyo diiran uga diraynaa dhamaan salaadiinta, garaadada, cuqaasha iyo dhamaan dadka reer sool sida quruxda badnayd ee ay uga aqbaleen haawshii uu  weftigu ula tegay, iyagoo isla markaas si wanaagsan hawsha ula guntaday sidii ay weftigaasi uu ugu guulaysan lahaa in ay walaalahoodaas is dilayey wanaag iyo nabad ku wada noolaansho ka dhex abuuraan, waana waxa ilaahay loogu mahadnaqaa arintaasi sida ay ku dhamaatay. 

Isla markaas sida ku cad bayaankii sida wada jirka ah ay weftigii iyo odayaasha sool soo wada saareen, xukuumada Somalilandna waxa ku waajib ah in maamulka dalka ay si degdeg oo buuxda u gaadhsiiso gobalka soolna  isla markaasna uu u hawl galo sida gobolada Somaliland maamulada ka dhisan  oo kale, lana gaadhsiiyo wixii mashaariic  horumar ah ee ka socoda dalka ugulana sinaadan gobolada dalka ee kale.

Xukumada Madaxweyne Riyaalana waxaan leenahay wakhti waangsan ayuu ilaahay idin garansiiyay in aad arintan ku talaabsataan oo aad wefti heer sare ah oo dhamaan Somaliland ka kooban aad u aabaabusheen in ay tagaan goboalka Sool.  Hawlahii aad ka filayseena si fiican ayay u soo dhameeyeen, markaa xukuumadana waxaan leenahay hanbalyo, talaabo wax ku ool ah baad qaadeen. 

Waxaan ku soo gunaanadnay Gacmo wada jir bay wax ku gooyn karaan shacabka somalilandna waxa ku waajib ah in gacmaha la is qabsado oo ilaalinta nabadgelyda iyo hurmarka dalka loo wad hawl galo. 

Long Live Somaliland 

Guled Cabdi Sheekhash       – Gudoomiyaha Ururka SDWO

Mukhtar Axmed Sh. Adan    – Gudoomiye ku xigeenka SDWO

Axmed Maxamed Yusuf       – Afhayeenka Ururka SDWO
SOMALILAND DEMOCRACY WATCH ORGANISTION - NEWS PAGE